એક્સિડન્ટ / VIDEO : 171 પ્રવાસીઓએ હવામાં જ કર્યાં 'મોતના દર્શન', વિમાનમાં ભયાનક 'વંટોળિયો' ઉપડતાં અણધાર્યું બન્યું

• અલાસ્કા એરલાઈન્સના વિમાન સાથે હવામાં એક્સિન્ડટ
• ઉપડતાં જ દરવાજો હવામાં ઉડી ગયો
• 171 પ્રવાસીઓમાં મચ્યો હડકંપ 

અલાસ્કા એરલાઇન્સ બોઇંગ 737-9 મેક્સ વિમાનનો દરવાજો આજે ઉડાન ભર્યાની થોડી જ મિનિટો બાદ હવામાં ઉડી ગયો હતો. આ ઘટના જોઇને વિમાનમાં હાજર મુસાફરોમાં જબરી અફરાતફરી મચી હતી. દરવાજો ઉડી જતાં વિમાનમાં બહારથી જોર જોરથી હવા આવવા લાગી હતી અને લોકો ડરના માર્યાં થરથર ધ્રૂજી રહેલા જોવામાં આવતાં હતા. વીડિયોમાં સ્પષ્ટ દેખાઈ રહ્યું છે કે, સેન્ટર-કેબિન એક્ઝિટ ડોર એરક્રાફ્ટથી સંપૂર્ણપણે અલગ થઈ ગયો હતો. દરવાજો ઉખડી જતાં જ ત્યાં હાજર લોકો ખૂબ જ ડરી ગયા હતા. વિમાન 16,325 ફૂટની ઉંચાઇએ પહોંચે તે પહેલાં તેને સુરક્ષિત રીતે પોર્ટલેન્ડ પરત લઇ જવામાં આવ્યું હતું.

🚨#BREAKING: Alaska Airlines Forced to Make an Emergency Landing After Large Aircraft Window Blows Out Mid-Air ⁰⁰📌#Portland | #Oregon
⁰A Forced emergency landing was made of Alaska Airlines Flight 1282 at Portland International Airport on Friday night. The flight, traveling… pic.twitter.com/nt0FwmPALE

— R A W S A L E R T S (@rawsalerts) January 6, 2024

વિમાનનું ઈમરજન્સી લેન્ડિંગ 
આ ઘટના બાદ વિમાનનું ઈમરજન્સી લેન્ડિંગ કરી દેવાયું હતું. અલાસ્કા એરલાઇન્સે એક્સ પરની પોસ્ટમાં જણાવ્યું હતું કે, "એએસ 1282 પોર્ટલેન્ડથી ઓન્ટારિયો, સીએ (કેલિફોર્નિયા) એ આજે સાંજે રવાના થયાના થોડા સમય પછી એક ઘટનાનો અનુભવ કર્યો હતો. ફ્લાઇટ પોર્ટલેન્ડ આંતરરાષ્ટ્રીય વિમાનમથક પર 171 મુસાફરો અને 6 ક્રૂ સભ્યો સાથે સલામત રીતે પરત આવી હતી. અમે તપાસ કરી રહ્યા છીએ કે શું થયું અને જ્યારે પણ તે પ્રકાશમાં આવશે ત્યારે વધુ વિગતો શેર કરીશું. 

હવામાં દરવાજો ઉડી જતાં શું બન્યું
હવામાં પ્લેનનો દરવાજો ઉડી જતાં હવા અંદર આવવા લાગી હતી. મુસાફરોના માથાના વાળ વંટોળિયો આવે તેમ ઉડવા લાગ્યાં હતા. પ્રવાસીઓ ડરના માર્યાં એકબીજાને લપાઈ ગયા હતા. એકંદરે બધા પ્રવાસીઓ ડરી ગયાં હતા. જોકે વિમાનને તાબડતોબ નીચે ઉતારી દેવામાં આવ્યું હતું હવે જો આવી ઘટના હજારો ફૂટ ઉપર બની હોત તો શું થાત તેનો વિચાર આવી જતા મુસાફરોને કમકમા આવી ગયાં હતા.