શેર માર્કેટ / Paytmનો શેર તો ઉપડ્યો! બજાર ખૂલતાં મચાવી ધૂમ, એક મુલાકાતથી આટલા ટકાની છલાંગ

• છેલ્લા થોડા સમયથી Paytm લોકો વચ્ચે ચર્ચાનો વિષય બન્યું છે.
• સતત બે દિવસથી Paytmનો શેર ઝડપથી વધી રહ્યો છે.
• પહેલા Paytmના શેરમાં ત્રણ દિવસ સુધી લોઅર સર્કિટ જોવા મળી હતી. 

છેલ્લા થોડા સમયથી Paytm લોકો વચ્ચે ચર્ચાનો વિષય બન્યું છે. એક તરફ RBIની કડક કાર્યવાહી બાદ Paytmની બેંકિંગ સેવાઓ બંધ થવા જઈ રહી છે અને આ સામચાર બાદ Paytmના શેરમાં ત્રણ દિવસ સુધુ લોઅર સર્કીટ લાગી હતી. પરંતુ હવે સતત બે દિવસથી Paytmનો શેર ઝડપથી વધી રહ્યો છે. 

ત્રણ દિવસ સુધી લોઅર સર્કિટ લાગી હતી 
Paytmની પેરન્ટ કંપની One97 કોમ્યુનિકેશનના શેરમાં ત્રણ દિવસ સુધી લોઅર સર્કિટ જોવા મળી હતી પરંતુ હવે આ શેર રોકેટ બન્યો છે. મંગળવાર બાદ આજે બુધવારે પણ તે રોકેટની ઝડપે ચાલીને 10 ટકા ઉછળ્યો છે.

આજે સેન્સેક્સની શરૂઆત 72,500 ના સ્તરની ઉપર થઈ છે. બજાર ખુલતાની સાથે જ બેન્ક નિફ્ટી 46,000ને પાર કરી ગયો છે. નિફ્ટી ઓલ-ટાઈમ હાઈથી માત્ર 80 પોઈન્ટ દૂર છે અને શક્ય છે કે આજે તે ઓલ ટાઈમ હાઈનું નવું સ્તર બનાવી શકે.

10 ટકાના ઉછાળા સાથે રૂ. 496.25 પર પહોંચ્યો શેર 
આજે માર્કેટ ખુલતાની સાથે જ Paytmના શેરમાં જબરદસ્ત તેજી જોવા મળી હતી અને તે 4 ટકાથી વધુના ઉછાળા સાથે ખુલ્યો હતો. ધીરે ધીરે Paytmની પેરેન્ટ કંપની One97 Communication Ltdનો શેર 10 ટકાના ઉછાળા સાથે રૂ. 496.25 પર પહોંચ્યો હતો. 

Paytm શેરમાં વધારો થવા પાછળ બે કારણો
આજે, Paytm શેરમાં વધારો થવા માટે બે કારણો ગણવામાં આવી રહ્યા છે. પ્રથમ, કંપનીએ એવી અટકળોને નકારી કાઢી છે કે તેની સહયોગી કંપની અને સીઇઓ અને સ્થાપકની સરકારી એજન્સીઓ દ્વારા વિદેશી વિનિમય નિયમો અને મની લોન્ડરિંગના સંભવિત ઉલ્લંઘન માટે તપાસ કરવામાં આવી રહી છે. સાથે જ Jio Financial Services (JFS) એ પેટીએમના વોલેટ બિઝનેસને ખરીદવાની વાત કરતા હોવાના અહેવાલોને "અટકળો" તરીકે ફગાવી દીધી હતી. 

આરબીઆઈ સાથે સતત વાતચીત કરી રહ્યા છીએ - વિજય શેખર શર્મા
ઉપરાંત Paytmના ફાઉન્ડર અને સીઈઓ વિજય શેખર શર્માએ આ સંકટ વચ્ચે પણ એક ટાઉન હોલમાં પોતાના કર્મચારીઓને કહ્યું છે કે ટૂંક સમયમાં બધું ઉકેલાઈ જશે. અમે આરબીઆઈ સાથે સતત વાતચીત કરી રહ્યા છીએ. 

વધુ વાંચો: રોકાણકારો માટે લકી શેર! 1 રૂપિયાના શેરે 5 વર્ષમાં બનાવ્યા કરોડપતિ, તગડા રિર્ટનના આંકડા ચોંકાવનારા

આ સિવાય ગઈકાલે સાંજે એક માહિતી સામે આવી હતી કે વિજય શેખર શર્માએ મંગળવારે નાણામંત્રી નિર્મલા સીતારમણને મળ્યા હતા. તેમણે નાણામંત્રીને મળીને પોતાની સ્થિતિ સ્પષ્ટ કરી હતી. રિપોર્ટ્સ અનુસાર, Paytm પેમેન્ટ્સ બેંકના અધિકારીઓની એક ટીમ તેમની સાથે RBI અધિકારીઓને પણ મળી છે.