Paytm Crisis / Paytm પર RBIની તવાઈથી આ કંપનીઓને લોટરી લાગી, કમાઈ રહ્યા છે તગડા રૂપિયા

• પેટીએમ પેમેન્ટ્સ બેન્ક વિરુદ્ધ RBIની કાર્યવાહી
• RBIએ કાર્યવાહી કરતા અન્ય કંપનીઓને ફાયદો થયો
• ફોનપે, ભીમ એપ અને ગૂગલ પે કંપનીઓને જબરદસ્ત ફાયદો

RBIએ પેટીએમ પેમેન્ટ્સ બેન્ક વિરુદ્ધ કાર્યવાહી કરતા પેટીએમ પર મુસીબતોનો માર વધી ગયો છે. પેટીએમ પર RBIએ કાર્યવાહી કરતા અન્ય કંપનીઓને ફાયદો થયો છે. ફોનપે, ભીમ એપ (BHIM) અને ગૂગલ પે (Google Pay) કંપનીઓને જબરદસ્ત ફાયદો થયો છે. ભારતમાં પેટીએમનો દબદબો હોવાને કારણે આ કંપનીઓને ખૂબ જ નુકસાન થઈ રહ્યું હતું. રિઝર્વ બેન્કે 31 જાન્યુઆરીના રોજ પેટીએમ પર પ્રતિબંધ મુકતા પેમેન્ટ્સ બેન્ક હવે ડિપોઝિટ સ્વીકાર કરી શકતી નથી. 

ફોન પે, ગૂગલ પે અને BHIM એપ્લિકેશન ડાઉનલોડ 
મીડિયા રિપોર્ટ અનુસાર દાવો કરવામાં આવ્યો છે કે, 3 ફેબ્રુઆરીના રોજ 2.79 લાખ લોકોએ ફોન પે એપ્લિકેશન ડાઉનલોડ કરી હતી. 27 જાન્યુઆરીના રોજ 1.92 લાખ લોકોએ ફોન પે એપ્લિકેશન ડાઉનલોડ કરી હતી. જેથી ફોન પે એપ્લિકેશન ડાઉનલોડ કરવામાં 24 ટકાનો વધારો થયો છે. BHIM એપ્લિકેશન ડાઉનલોડ કરવામાં 50 ટકાનો વધારો નોંધાયો છે. આ મામલે ગુગલ પે ડાઉનલોડમાં સુસ્તતા જોવા મલી રહ્યા છે. ગુગલ પે ડાઉનલોડ કરવી સંખ્યામાં માત્ર 4.9 ટકાનો વધારો થયો છે. 

પેટીએમ કસ્ટમર્સને મેસેજ અને ઈમેઈલ મોકલે છે
RBIએ પેટીએમ પર કાર્યવાહી કરતા કંપની હવે નુકસાનની ભરપાઈ કરી રહી છે. ગ્રાહકોનો વિશ્વાસ જીતવા માટે પેટીએમ ગ્રાહકોને મેસેજ અને ઈમેઈલ મોકલે છે. આ મેસેજમાં જણાવવામાં આવ્યું છે કે, તમારા પૈસા અમારી પાસે સુરક્ષિત છે. RBIના આ નિર્ણયને કારણે પેટીએમ 29 ફેબ્રુઆરી પછી ડિજિટલ વોલેટ બિઝનેસ નહીં કરી શકે છે. RBI પેટીએમ પેમેન્ટ્સ બેન્કનું લાયસન્સ વન97 કમ્યુનિકેશન્સને ટ્રાન્સફર કરશે તો તે બિઝનેસ ચાલુ રાખી શકે છે. તમને જણાવી દઈએ કે, RBIની આ કાર્યવાહી પછી ગ્રાહકોને વિશ્વાસ જીતવો તે કંપની માટે ખૂબ જ મોટો પડકાર હશે. 

વધુ વાંચો: દુનિયાની દિગ્ગજ કંપનીએ રોકાણકારોને કર્યા માલામાલ, 10 વર્ષમાં 11 ગણા કરી નાખ્યા રૂપિયા, રૂપિયા ગણતાં થાક્યા લોકો

પેટીએમના શેર ધડામ
પેટીએમની ડિજિટલ પેમેન્ટ સેક્ટર પર શાનદાર પકડ હતી. RBIએ પેટીએમ પર કાર્યવાહી કરતા કંપનીની માર્કેટ વેલ્યૂમાં 2.3 અરબ ડોલરનો ઘટાડો થયો છે. પેટીએમની પેરેન્ટ કંપની વન97 કમ્યુનિકેશન્સના શેરમાં પણ 39 ટકાનો ઘટાડો થયો છે.