તમારા કામનું / માત્ર બેંક નહીં, પોસ્ટ ઓફિસમાં પણ સેવિંગ્સ એકાઉન્ટ ખોલવાના છે અનેક ફાયદા, જાણો વિગત

આજના સમયમાં જેટલું જરૂરી કમાવવું છે એટલું જ જરૂરી છે તે કમાણીમાંથી થોડા હિસ્સાનું સેવિંગ કરવું. કારણ કે પૈસાની જરૂરત કોઈને પણ ગમે ત્યારે પડી શકે છે ત્યારે જો તમે બચત કરેલી હશે તો તે જ કામ લાગે છે. આજકાલ રોકાણ માટે ઘણા બધા વિકલ્પો માર્કેટમાં મળી રહે છે. કોઈ માર્કેટમાં રોકાણ કરે છે તો કોઈ બેન્કમાં ફિક્સ ડિપોઝિટમાં.

ઘણા લોકો એવા પણ હોય છે જે તેમની બચતને ક્યાંય રોકવાને બદલે સેવિંગ્સ ખાતામાં મૂકવાનું વધુ પસંદ કરે છે. જો તમે પણ બચત ખાતામાં પૈસાની બચત કરવા માંગો છો તો પોસ્ટ ઓફિસના બચત ખાતા વિશે તમારે એકવાર જાણવું જોઈએ. પોસ્ટ ઓફિસનું બચત ખાતું તમને ઘણા લાભ આપે છે.

કોણ ખોલાવી શકે છે બચત ખાતું?

• પોસ્ટ ઓફિસમાં બચત ખાતું એ જ લોક ઓકહોલવી શકે છે જે ભારતનું નાગરિકત્વ ધરાવતા હોય એટલે કે જે ભારતના નાગરિક હોય.
• પુખ્ત વયના લોકો ઉપરાંત સગીર બાળક પણ પોસ્ટ ઓફિસમાં બચત ખાતું ખોલાવી શકે છે. બાળક વતી બાળકના માતાપિતા અથવા વાલીઓ ખાતું ખોલાવી શકે છે.

શું મળે છે સુવિધાઓ?

• પોસ્ટ ઓફિસમાં બચત ખાતું ખોલાવવાથી બેંક ખાતા જેવી ઘણી સુવિધાઓ મળે છે.
• આ બચત ખાતામાં તમારે માત્ર 500 રૂપિયા જ બેલેન્સ જાળવી રાખવાનું રહેશે જે બેન્કના પ્રમાણમાં ઘણું ઓછું છે.
• ખાતું ખોલાવવા પર તમને ચેક બુક અને ડેબિટ કાર્ડ પણ આપવામાં આવે છે.
• ઓનલાઈન બેંકિંગ માટે નેટ બેંકિંગ અને મોબાઈલ બેંકિંગ સુવિધાઓ પણ પોસ્ટ ઓફિસ દ્વારા આવેલેબલ છે.

વધુ વાંચો: માનો કે એક મહિના સુધી તમે જમીન પર સૂઇ રહેશો તો હેલ્થને શું અસર થશે? ફાયદો કે નુકસાન!

આવી રીતે ખોલાવો પોસ્ટમાં બચત ખાતું

• જો તમે પણ પોસ્ટ ઓફિસમાં બચત ખાતું ખોલાવવા માંગતા હોવ તો તમારે તમારી નજીકની પોસ્ટ ઓફિસમાં જવું પડશે.
• પોસ્ટ ઓફિસમાંથી ખાતું ખોલાવવા માટેનું ફોર્મ ભરવાનું રહેશે.
• ફોર્મની સાથે તમારા આધાર કાર્ડની ફોટોકોપી અને અન્ય જરૂરી ડોક્યુમેન્ટની કોપી તેની સાથે આપવાની રહેશે.
• આ પછી પોસ્ટ ઓફિસમાં તમારે આ ફોર્મ સબમિટ કરવાનું રહેશે.
• ફોર્મ સબમિટ થઈ ગયા પછી અધિકારી તમામ વિગતો ચેક કરીને તમને સેવિંગ એકાઉન્ટ ખોલી આપશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ