ટેક / OnePlus 16 Rumors: લીકમાં સામે આવ્યું મોટું અપડેટ, 200MP કેમેરા મળશે ?

OnePlus 15 ને લોન્ચ થયાને હજુ ઘણો સમય નથી થયો અને OnePlus 16 વિશે ચર્ચાઓ તેજ થઈ ગઈ છે. આ વખતે લોકોનું ફોકસ તેની ડિઝાઇન કે પરફોર્મ પર નહીં, પરંતુ કેમેરા પર છે. લીક થયેલા અહેવાલો મુજબ OnePlus 16 માં કેમેરા અપગ્રેડ હોઈ શકે છે.

• OnePlus 16નું મુખ્ય લીક
  એક ચાઇનીઝ સોશિયલ મીડિયા પ્લેટફોર્મ મુજબ OnePlus 16 માં Oppo Find N6 જેવો જ ફ્લેગશિપ કેમેરા સેટઅપ હોઈ શકે છે. મતલબ કે, OnePlus 16 પરના પ્રાઈમરી અને ટેલિફોટો લેન્સ બંને હાઇ-એન્ડ કેટેગરીના હશે.
  

આ લીક મુજબ OnePlus 16 માં 200-મેગાપિક્સલનો રીઅર કેમેરા આવી શકે છે.  Find N6 માં ટ્રિપલ કેમેરા સેટઅપ હશે, જેમાં બે 50MP સેન્સર અને 200MP કેમેરા હશે. આવા જ ફીચર OnePlus 16માં હશે.

જો OnePlus 16 માં 200MP ટેલિફોટો લેન્સ આવે તો તે ઝૂમ ફોટોગ્રાફી અને ડીટેલમાં સુધારો કરી શકે છે. કેમેરાને પ્રાથમિકતા આપતા યુઝર્સ માટે આ ખાસ ગણાશે.આ સિવાય કેમેરાની સાથે OnePlus 16 ના ડિસ્પ્લે અંગે એક લીક સામે આવ્યું છે.જેમાં કંપની 240Hz રિફ્રેશ રેટવાળી સ્ક્રીન પર કામ કરી રહી છે.

વધુ વાંચો : ફોન તુરંત ગરમ થઇ જાય છે? તો અપનાવો આ ટિપ્સ, નહીં થાય બ્લાસ્ટ!

ઉલ્લેખનીય છે કે, OnePlus 16 સંબંધિત આ બધી માહિતી લીક્સ અને રુમર્સ પર આધારિત છે. પરંતુ જો 200MP કેમેરા અને ફ્લેગશિપ ઇમેજિંગ હાર્ડવેર સાચે જ ફોનનો હિસ્સો બનશે તો OnePlus ફરી એકવાર કેમેરા સેગમેન્ટમાં મજબૂત વાપસી કરી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ