મુંબઈ / VIDEO : સલમાન ખાનના ઘર બહાર ફાયરિંગ કરનાર શખ્સોનો ચહેરો સામે આવ્યો, બાઈક લઈને આવ્યાં

એક્ટર સલમાન ખાનના ઘર બહાર ફાયરિંગ કરનાર બે શખ્સોની તસવીર સામે આવી છે. મુંબઈના બાન્દ્રા એરિયામાં આવેલા સલમાન ખાનના ઘર ગેલેક્સી એપાર્ટમેન્ટની બહાર ફાયરિંગ કરનાર બે શખ્સોની તસવીર પોલીસે બહાર પાડી છે. બન્ને શખ્સો બાઈક પર આવ્યાં હતા. બન્નેએ માથા પર ટોપી પહેરી હતી અને તેઓ સલમાનના ઘર બહાર ફાયરિંગ કરતાં જોવા મળ્યાં હતા. એક હુમલાખોરે વ્હાઈટ ટી-શર્ટ, બ્લેક જેકેટ અને ડેનિમ જિન્સ તો બીજાએ રેડ ટી શર્ટ અને ડેનિમ પહેર્યું હતું. 

#WATCH | Maharashtra: Visuals from outside actor Salman Khan's residence in Bandra where two unidentified men opened fire today morning.

(CCTV video confirmed by Mumbai Police) https://t.co/8adLwJ3mXI pic.twitter.com/B6H8qM61R2

— ANI (@ANI) April 14, 2024

સલમાનના ઘરથી 1 કિમી દૂર મૂક્યું બાઈક
બન્ને હુમલાખોરોએ સલમાનના ઘરથી એક કિલોમીટર દૂર બાઈક પાર્ક કર્યું હતું અને ત્યાંથી કદાચ બીજા કોઈ સાધનમાં આવીને સલમાનના ઘર બહાર ચાર રાઉન્ડ ફાયરિંગ કરીને ફરાર થઈ ગયાં હતા. આ દરમિયાન મહારાષ્ટ્રના સીએમ એકનાથ શિંદેએ સલમાન ખાન સાથે વાત કરી હતી અને તેમને ફૂલ સપોર્ટ આપવાની વાત કરી હતી. 

વધુ વાંચો : સરબજીત સિંહના હત્યારા અંડરવર્લ્ડ ડોન આમિર સરફરાઝની ગોળીઓ મારીને હત્યાથી સનસનાટી

લોરેન્સ બિશ્નોઈના ભાઈ અનમોલ બિશ્નોઈએ લીધી જવાબદારી 

સલમાન ખાનના ઘર બહાર વહેલી સવારે ફાયરિંગ થતાં ચકચાર મચી હતી. સલમાનના ઘર બહાર કોણે ફાયરિંગ કર્યું તે વ્યક્તિનું નામ સામે આવ્યું છે. ગેંગસ્ટર લોરેન્સ બિશ્નોઈના ભાઈ અનમોલ બિશ્નોઈએ કથિત રીતે સોશિયલ મીડિયા પર પોસ્ટર લખીને ફાયરિંગની જવાબદારી લીધી હતી. અનમોલે સલમાન ખાનને ધમકી આપતા કહ્યું કે આ માત્ર ટ્રેલર છે. આગલી વખતે ઘરની બહાર ગોળીઓ નહીં લાગે. અનમોલે ફેસબુક પોસ્ટમાં કથિત રીતે લખ્યું છે કે, "ઓમ જય શ્રી રામ, જય ગુરુજી જાંભેશ્વર, જય ગુરુ દયાનંદ સરસ્વતી, જય ભારત." અમે શાંતિ ઈચ્છીએ છીએ. જો જુલમ સામેનો ચુકાદો યુદ્ધ દ્વારા આવે છે, તો પછી યુદ્ધ યોગ્ય છે. સલમાન ખાન, અમે માત્ર તને ટ્રેલર બતાવવા માટે આ કામ કર્યું છે, જેથી તમે સમજો, અમારી તાકાતને વધુ ટેસ્ટ ન કરો. આ પહેલી અને છેલ્લી ચેતવણી છે. આ પછી ખાલી ઘર પર ગોળીઓ ચાલશે નહીં. '
પોસ્ટમાં આગળ લખવામાં આવ્યું છે કે, "અમારી પાસે દાઉદ ઇબ્રાહિમ અને છોટા શકીલના નામ પર બે કૂતરા છે, જેમને તમે ભગવાન માન્યા છો." મને વધારે વાત કરવાની આદત નથી. જય શ્રી રામ, જય ભારત." અંતમાં લખ્યું છે કે, "(લોરેન્સ બિશ્નોઈ ગ્રુપ) ગોલ્ડી બ્રાર, રોહિત ગોદારા. બ્લેક જેઠેડી. 

#WATCH | Mumbai: On the incident of firing outside the residence of actor Salman Khan in Mumbai, Maharashtra CM Eknath Shinde says, "This is an unfortunate incident. Police are investigating it. The accused will be caught and stringent action will be taken against them. Those… pic.twitter.com/GQXlrgMxTl

— ANI (@ANI) April 14, 2024

કોણ છે અનમોલ બિશ્વનોઈ 
અનમોલ ભારતમાં વોન્ટેડ છે. રિપોર્ટ મુજબ તે અમેરિકામાં છુપાયો છે. તેને પકડવા માટે ભારતીય એજન્સીઓ કામે લાગી છે તેમ છતાં પણ હજુ તે પકડથી દૂર છે. 

VIDEO | Maharashtra Navnirman Sena Raj Thackeray arrives at Galaxy Apartment in Mumbai to meet actor Salman Khan.

(Source: Third Party) pic.twitter.com/x8Nmf0jtil

— Press Trust of India (@PTI_News) April 14, 2024

સલમાનના ઘર બહાર ફાયરિંગ 
રવિવારે વહેલી સવારે બે અજાણ્યા બાઇક સવાર શખ્સોએ બાંદ્રામાં સલમાન ખાનના ઘરની બહાર ચાર રાઉન્ડ ફાયરિંગ કર્યું હતું. આ ઘટના સવારે 4.51 વાગ્યાની આસપાસ બની હતી. આમાં કોઈને ઈજા થઈ નથી. અભિનેતાના ઘરની બહાર સુરક્ષા કડક કરી દેવામાં આવી છે. સલમાન ખાન ગેંગસ્ટર લોરેન્સ બિશ્વોઈના હીટ લિસ્ટમાં છે. લોરેન્સ ગેંગ તેની હત્યા કરવા માગે છે. જ્યારે સલમાન ખાને ફિલ્મના શુટિંગ દરમિયાન રાજસ્થાનમાં કાળા હરણનો શિકાર કર્યો હતો ત્યારથી લોરેન્સ ગેંગ તેની પાછળ પડી છે. લોરેન્સ રાજસ્થાનનો છે અને તેનો સમુદાય  બિશ્વનોઈ કાળા હરણને ભગવાન સમાન માને છે. ગેંગે સલમાન ખાનને માફી માગવાનું પણ કહ્યું હતું પરંતુ તેણે માફી ન માગી હોવાથી તેની હત્યા કરવા માગે છે.