સલાહ / હવે વિધાનસભામાં આ ભૂમિકામાં જોવા મળી શકે છે જિગ્નેશ મેવાણી, કોંગ્રેસમાં ચર્ચાઓ થઈ તેજ

• ગુજરાત ચૂંટણીમાં હાર બાદ હવે વિપક્ષ પદ માટે કોંગ્રેસની મથામણ
• કોંગ્રેસની નેતાગીરીએ વિપક્ષપદ માટે કાયદાકીય સલાહ લેવાનું શરૂ કર્યુ
• કોંગ્રેસ હાઇકમાન્ડ જીજ્ઞેશ મેવાણીને નેતા વિપક્ષ બનાવવાના મૂડમાં 
• અર્જૂન મોઢવાડિયાએ પોતે નેતા વિપક્ષ બનવાની કરી છે મનાઈ

 ગુજરાત વિધાનસભાની ચૂંટણીમાં ભાજપની ભવ્ય જીત થવા પામી છે અને કોંગ્રેસની હાર થતા કોંગ્રેસ પક્ષમાં સોંપો પડી જવા પામ્યો હતો. ત્યારે ગુજરાત વિધાનસભમાં હાર બાદ વિપક્ષના નેતા તરીકે કોની નિમણૂંક કરવી તે માટે કોંગ્રેસના નેતાઓ દ્વારા કાયદાકીય સલાહ લેવાનું શરૂ કર્યું છે. સંસદમાં જેવો નિયમ ગુજરાત વિધાનસભામાં ન હોવાનો દાવો પણ કરવામાં આવ્યો છે.

લીગલ ટીમની સલાહ લેવાનું શરૂ કર્યું
ગુજરાત વિધાનસભાની ચૂંટણીમાં હાર મેળવ્યા બાદ કોંગ્રેસ પાર્ટી હવે વિધાનસભામાં વિપક્ષના નેતા તરીકે કોની નિમણૂંક કરવી તે બાબતે સલાહ લેવાનું શરૂ કર્યું છે. રાજ્યસભા કે લોકસભા જેવો ગુજરાત વિધાનસભામાં નિયમ નથી. ત્યારે કોંગ્રેસ દ્વારા આ બાબતે લીગલ ટીમની સલાહ લેવાનું શરૂ કર્યું છે. 

અર્જુન મોઢવાડિયાએ વિપક્ષના નેતા બનવાની ના પાડી
કોંગ્રેસ પક્ષ દ્વારા બીજી તરફ વિધાનસભામાં કોને વિપક્ષના નેતા તરીકે નિમણૂંક કરવી તે નામ પર મંથન કરવામાં આવી રહ્યું છે. જેમાં શૈલેષ પરમાર, ર્ડા.તુષાર ચૌધરી, જીગ્નેશ મેવાણીનું નામ હાલ ચર્ચામાં છે. કોંગ્રેસ હાઈકમાન્ડ જીગ્નેશ મેવાણીને વિપક્ષના નેતા બનાવવાના મૂડમાં છે. જ્યારે અર્જુન મોઢવાડિયાએ વિપક્ષના નેતા બનવાની ના પાડી દીધી છે. ત્યારે કોંગ્રેસમાં હવે વિપક્ષના નેતાનાં નામ પર વિચારણા ચાલી રહી છે.