સ્મિથના ચિટિંગના મામલે સર્જાયેલો વિવાદ વધુ ગરમાયો છે.BCCIએ ચિટિંગ વિવાદમાં સ્મિથ અને હેન્ડસ્કોમ્બ સામે ICCને ફરિયાદ કરી છે..ભારત સામેની બેંગ્લોર ટેસ્ટમાં ઓસ્ટ્રેલિયાના કેપ્ટન સ્ટીવ સ્મિથે ખેલભાવનાથી વિરૃદ્ધનું વર્તન કરતાં ડીઆરએસ રીવ્યુ અંગેના નિર્ણય માટે ડ્રેસિંગરૃમની મદદ માગી હતી.
આ વિવાદ હજુ પણ શમ્યો નથી. ઓસ્ટ્રેલિયન ક્રિકેટ બોર્ડે ખુલ્લેઆમ સ્મિથનું સમર્થન કર્યું હતુ અને ICCએ આ મામલે કોઈ પગલા ન લેવાની જાહેરાત કરતાં અકળાયેલા ભારતીય ક્રિકેટ બોર્ડે કાયદેસરની કાર્યવાહીનો રસ્તો અપનાવ્યો છે.
આટલા સબુતો હોવા છતાં ICCએ જે પ્રકારે કોઈ પગલા ન લેવાની જાહેરાત કરી તેનાથી ભારતીય ક્રિકેટ બોર્ડ નારાજ છે. આ જ કારણે ખેલાડીઓની આચારસંહિતામાં અત્યંત ગંભીર કહી શકાય તેવા લેવલ ટુના ભંગનો આરોપ સ્મિથ પર મૂકવાની માગ કરી છે. હવે ICC આ મામલે શું નિર્ણય લે છે તે જોવાનું રહેશે.
