ઉત્તર કોરિયામાં આજે સવારે ભૂંકપના ઝાટકા અનુભવાયા છે. અમેરિકાના ભૂગર્ભ સર્વેક્ષણ વિભાગ પ્રમાણે ઉત્તર કોરિયાના ઉત્તર પૂર્વીય ક્ષેત્રમાં ભૂંકપના ઝાટકા અનુભવાયા છે. ભૂકંપની તીવ્રતા રિક્ટર સ્કેલ પર 5.3 માપવામાં આવી. ભૂકંપનું કેન્દ્ર ઉત્તર પૂર્વીય સુંગજીબાગેમ ક્ષેત્રની જમીનની અંદર 18 કિલોમીટરની ઉંડાઈ પર સ્થિત હતું.
સમગ્ર ઘટના વચ્ચે દક્ષિણ કોરિયાની સરકારે જણાવ્યું છે કે ઉત્તર કોરિયાએ એક પરમાણુ પરીક્ષણ કર્યું હોય તેની પૂરેપૂરી સંભાવના છે. ભૂકંપ જે વિસ્તારમાં આવ્યો હતો તે વિસ્તાર પરમાણું પરીક્ષણ સ્થળની નજીક છે. જાપાન દક્ષિણ કોરિયા અને ચીન તરફથી પણ ઉત્તર કોરિયાએ પરમાણું પરીક્ષણ કર્યાની બહાલી આપવામાં આવી છે.