દક્ષિણ તુર્કીના ગાજિયાનટેપ શહેરમાં બોમ્બ વિસ્ફોટ થયાના સમાચાર સામે આવ્યા છે. જણાવવામાં આવી રહ્યું છે કે અહીં એક લગ્ન પ્રસંગ દરમિયાન બોમ્બ વિસ્ફોટ થયો હતો. આ ઘટનામાં અત્યાર સુધી 30 લોકોના મોત થયા છે જ્યારે કે 94 લોકો ઘાયલ થયા છે અને તેઓને સારવાર અર્થે હોસ્પિટલમાં ખસેડવામાં આવ્યા છે.
ગાજિયાનટેપ શહેરના ગરર્નરના જણાવ્યા પ્રમાણે તુર્કી સરકારે આ ઘટનાને આતંકી ઘટના તરીકે જાહેર કરી છે. કેમ કે મળતી માહિતી પ્રમાણે લગ્ન પ્રસંગે થયેલો વિસ્ફોટ આત્મઘાતી વિસ્ફોટ હતો. હજી સુધી આ ઘટનાની કોઈ આતંકવાદી સંગઠને જવાબદારી લીધી નથી. સરકારી સૂત્રોના જણાવ્યા મુજબ ISISની સંડોવણીની આશંકા સેવવામાં આવી રહી છે. જણાવી દઈએ કે હાલમાં ગાજિયાનટેપની સરહદ પર ISIS સક્રિય છે.
