ફુટબોલ દુનિયાના સ્ટાર લિયોનલ મેસ્સીએ ફુટબોલમાંથી પોતાની નિવૃત્તિ પાછી ખેંચી લીધી છે. આ સમાચારથી લિયોનલ મેસ્સીના પ્રસંશકોમાં ખુશીની લાગણી ફેલાઇ ગઈ છે. શુક્રવારે તેની પ્રબંધન કંપની તરફથી એક નિવેદન રજૂ કરીને આ વિશેની જાણકારી આપી હતી. ઉલ્લેખનીય છે કે કોપા અમેરિકા ફુટબોલ ટુર્નામેન્ટમાં પોતાના દેશ આર્જેન્ટીનાને જીતાડી ન શક્તા મેસ્સીએ ફૂટબોલમાંથી નિવૃતી લઇ લીધી હતી.
જો કે મેસ્સીના આ નિર્ણય બાદ ઘણા પ્રસંશકોએ અને આર્જેન્ટીના સરકારે પણ તેની નિવૃત્તી પાછી લઇ લેવાની વિનંતી કરી હતી. જે પછી શુક્રવારે મેસ્સીએ કહ્યું હતું કે આર્જેન્ટીના ફુટબોલમાં ઘણી સમસ્યાઓ છે અને આ સમસ્યાઓને વધારવા નથી માંગતો અને મારું લક્ષ્ય ટીમને નુકસાન કરવાનો નહીં પરંતુ મદદ કરવાનો છે.
