BMWએ પોતાના 100 વર્ષની ઉજવણી હાલમાં જ કેલીફોર્નિયાના સાન્ટા મોનિકામાં કરી. મંગળવારે આ ઉજવણી નિમિત્તે કંપનીએ ફ્યુચરની 'ઇન્ટેલિજન્ટ મોટરસાઇકલ' પરથી પડદો ઉઠાવ્યો. કંપનીએ એવી મોટરસાઇકલ રજૂ કરી હતી જેને ચલાવવામાં કોઈ પણ રક્ષણાત્મક સાધનો જેમ કે હેલ્મેટની જરૂર નહિ પડે.
કંપનીનો આ કોન્સેપ્ટ 'BMW મોટરેડ વિઝન નેક્ટ 100' ભાવિની મોટરસાઇકલ કેવી હશે અને 2040માં કેવી રીતે ચાલશે તેની ઝાંખી આપે છે. આ કોનસેપ્ટનો હેતુ માર્ગ પર ચાલતા વાહનો પર છે અને માટરસાઇકલને એવી સિસ્ટમ સાથે જોડશે જે માર્ગમાં આવતા સંભાવ્ય નડતરો અને જોખમો વિશે વાહનચાલકને અગમચેતી આપશે.
આ કોનસેપ્ટ મોટરબાઇક વિશે BMWના ડિઝાઇનરે જણાવ્યું કે 'માર્ગમાં આવતા જોખમોથી પોતાના વાહનચાલકને ચેતવવાનું અને દરેક સમયે તેનું રક્ષણ કરવાનું કામ કરશે.'
