પેરિસ મોટર શૉ 2016નું પ્રીવ્યૂ શરૂ થઇ ગયું છે. આ ઓટો શૉમાં વિશ્વભરમાંથી ટોચની ઓટોમોબાઇલ કંપનીઓએ પોતાની લેટેસ્ટ કારો અને કન્સેપ્ટ મોડેલ્સને રજૂ કર્યા છે. જેમાં મર્સિડીઝ ઑડી બીએમડબલ્યુ જેવી મોટી કંપનીઓનો સમાવેશ થાય છે.
પેરિસ ઓટો શોમાં નિસાને પોતાની કન્સેપ્ટ અને હાઇબ્રિડ કારોને રજૂ કરી છે. પેરિસ મોટર શૉમાં નિસાને રજૂ કરવી નવી માઇક્રા. આ માઇક્રાની પાંચમી જનરેશન છે. આ કાર 10 કલરમાં ઉપલબ્ધ હશે. તેનું વેચાણ 2017ના મધ્યથી શરૂ કરવામાં આવશે. જોકે ભારતમાં આ કારના વેચાણ અંગે કોઇ ચોક્કસ સમય નક્કી નથી.
આ કારને ડીઝલ એન્જિન અને પેટ્રોલ એન્જિન એમ બંને વેરિયન્ટમાં ઉપલબ્ધ કરાવાશે. જેમાં 0.9 થી 1.6 લિટર સુધીના ડીઝલ અને પેટ્રોલ એન્જિન ગ્રાહકોને મળી રહેશે. કારમાં 65 Bhp પાવર અને 160 Nm ટોર્ક જનરેટ કરશે. નિસાનની કારમાં 5- સ્પીડ ઓટોમેટિક ટ્રાન્સમિશન પણ હશે. ઉપરાંત તેમાં છત પર સ્પોઈલર અને ઓટોમેટિક ક્લાઈમેટ કંટ્રોલ સિસ્ટમ હશે.
કારના બેઝ મોડલની અંદાજિત કિંમત 6 લાખ રૂપિયા હશે. જ્યારે ટોપ મોડલની અંદાજિત કિંમત 9 લાખ રૂપિયા સુધીની હશે.
