કેન્દ્ર સરકારની યોજના અંતર્ગત આપવામાં આવતા LED બલ્બની કિંમતમાં 90 ટકા સુધીનો ઘટાડો થવા પામ્યો છે. આ બલ્બ એનર્જી એફિશિયન્ટ સર્વિસિઝ લિમિટેડ તરફથી આપવામાં આવી રહ્યા છે. પાછલા બે વર્ષમાં તેની કિંમત 310 રૂપિયાની સરખામણીમાં 38 રૂપિયા સુધી પહોંચી ગઈ છે. એક સિનિયર સરકારી અધિકારીના જણાવ્યા પ્રમાણે એનર્જી એફિસિયન્ટ સર્વિસિઝ લિમિટેડને 38 રૂપિયામાં 9 વોલ્ટનો બલ્બ બનાવવાનું ટેન્ડર મળ્યું હતું. પાછલા અઠવાડિયામાં 5 કરોડ બલ્બ તૈયાર કરવા માટે કુલ 14 કંપનીઓ આમાં ભાગ લીધો છે.
આ પહેલા આ જ વર્ષે માર્ચમાં કંપનીને 55 રૂપિયામાં બ્લબ તૈયાર કરવા માટે ટેન્ડર મળ્યું હતું. અને 2014માં કંપનીને 310 રૂપિયા પ્રતિ બલ્બના લેખે બલ્બ ખરીદ્યા હતા. હાલમાં બજારમાં 90થી 100 રૂપિયામાં સુધીમાં આ બબ્લ મળી રહ્યા છે. બે વર્ષ પહેલા એક મહિનામાં 10 લાખ બલ્બનું પ્રોડક્શન થઈ રહ્યું હતું હવે આ આંકડો 4 કરોડ સુધી પહોંચી ગયો છે. એલઇડી બલ્બ સામાન્ય બલ્બની સરખામણીમાં 80 ટકા ઓછી વીજળીની ખપત કરે છે. સીએફએલની તુલનામાં પણ 50 ટકા ઓછી ઊર્જા વાપરે છે.
