રિયો ઓલિમ્પિકમાં ભારતને ગર્વ અપાવનાર પી.વી સિંધૂ આજે ફાઇનલ રમવા માટે મેદાને ઉતરશે. ત્યારે ફાઇનલમાં સિંધુ સામે સ્પેનની વિશ્વની પહેલા નંબરની ખેલાડી કેરોલીના મારીન ટકરાશે. આ પહેલા સેમીફાઈનલમાં જીતીને સિંધૂએ દેશ માટે એક મેડલ નિશ્ચિત કરી લીધો છે.
ત્યારે આંકડાની દ્રષ્ટીએ પી.વી સિંધુ સામે કેરોલીન મારીનની સ્થિતિ મજબુત જણાઇ રહી છે. બન્ને ખેલાડીઓ વચ્ચે અત્યાર સુધી સાત - સાત મેચ રમાઇ ચુકી છે. જેમાં મારીન ચાર વાર અને સિંધુ ત્રણ વાર મેચ જીતી છે. સિંધુ સેમી ફાઇનલમાં જાપાનની ઓકુહારાને હરાવી અને કેરોલીન મારીને સેમીફાઇનલમાં પુર્વ ઓલિમ્પિક ચેમ્પિયન લી જુઇરેઇને હરાવીને ફાઇનલમાં પહોંચી છે.
