'પોકેમોન ગો' ગેમને લઈને નવા નવા ખુલાસા થઈ રહ્યાં છે. લોકોનું માનવું છે કે જાપાનની નિન્ટેંડો કંપનીએ જ પોકેમોન ગો બનાવી છે. પરંતુ માર્કેટ કેપ 120 ટકા વધી ગયા બાદ હવે નિન્ટેંડોનું કહેવું છે કે ગેમ તેણે નથી બનાવી. આ ગેમ નિયાન્ટિંક કંપનીએ બનાવી છે.
આ ખુલાસા બાદ નિન્ટેંડો કંપનીના શેરમાં 18 ટકા એટલે કે 45 હજાર કરોડનો ઘટાડો થયો હતો. સ્ટોક એક્સચેન્જમાં આ લોઅર સર્કિટ છે. એટલે કે એક દિવસમાં કોઈ શેરમાં આથી વધુ ઘટાડો થઈ શકે નહીં. જો આ લિમિટ ન હોત તો શેરની કિંમતમાં વધુ ઘટાડો નોંધાવાની શકયતા હતી. 25 વર્ષમાં નિન્ટેંડોના શેરમાં થયેલો સૌથી મોટો ઘટાડો છે.
