તમારા કામનું / ટ્રેનમાં રાત્રિ મુસાફરી દરમ્યાન ક્યારેય ન કરતા આવી ભૂલો, નહીં તો દંડ ભોગવવા તૈયાર રહેજો

• રેલવેના કેટલાક નિયમો વિશે જાણવું મહત્વપૂર્ણ છે
• જો તમે તેનું ઉલ્લંઘન કરો છો, તો તમને ભારે દંડ થઈ શકે છે
• આ નિયમો રાત્રિના સમયે મુસાફરી કરતા મુસાફરોને લાગુ પડે છે

Indian Railways Rules and Regulations: દરરોજ મોટી સંખ્યામાં લોકો ભારતીય ટ્રેન દ્વારા મુસાફરી કરે છે. મુસાફરી લાંબી હોય કે ટૂંકી પણ જે આરામ ટ્રેનમાં અનુભવાય છે તે ભાગ્યે જ કોઈ બીજામાં મળે છે. ટ્રેનમાં જનરલથી લઈને એસી ક્લાસની સુવિધાઓ, કેટરિંગની સુવિધા, શૌચાલયની વ્યવસ્થા વગેરે રહે છે. જો તમે પણ ભારતીય ટ્રેનમાં મુસાફરી કરો છો, તો તમારા માટે રેલવેના કેટલાક આવા નિયમો વિશે જાણવું મહત્વપૂર્ણ છે અને જો તમે તેનું ઉલ્લંઘન કરો છો, તો તમને ભારે દંડ થઈ શકે છે.

આ નિયમો ખાસ કરીને રાત્રિના સમયે મુસાફરી કરતા મુસાફરોને લાગુ પડે છે. તો ચાલો જાણીએ આ નિયમો વિશે...

ટ્રેનમાં ન કરો આ ભૂલોઃ-
પહેલી ભૂલ
ટ્રેનમાં મુસાફરી કરતી વખતે આ વાતનું ધ્યાન રાખો કે રાત્રે મોબાઈલ પર મોટેથી વાત ન કરવી જોઈએ. આવું કરવા બદલ તમારી સામે કાર્યવાહી થઈ શકે છે. આ સિવાય રાત્રે લાઇટ ચાલુ ન રાખો, કારણ કે તેનાથી અન્ય મુસાફરોને સૂવામાં મુશ્કેલી પડી શકે છે.

બીજી ભૂલ
જો તમે ટ્રેનમાં મુસાફરી કરતાં હોય તો ધ્યાન રાખો કે રાતના સમયે ટ્રેનમાં મોબાઈલ, સ્પીકર વગેરેમાં જોરથી મ્યુઝિક ન સાંભળો. જો તમે આમ કરતા જોવા મળે તો તમને દંડ થઈ શકે છે. કારણ કે અન્ય મુસાફરોને સૂવામાં મુશ્કેલી પડે છે.

ત્રીજી ભૂલ
ઘણી વખત તમે એક કે બે મિત્રો સાથે કે ગ્રુપમાં ટ્રેનમાં મુસાફરી કરતા હશો? આવી સ્થિતિમાં તમારે ધ્યાન રાખવું પડશે કે તમે રાત્રે જોરથી વાત ન કરી શકો. આ એટલા માટે છે કારણ કે જો તેનાથી કોઈને પણ સમસ્યા થાય છે, તો તમારી વિરુદ્ધ યોગ્ય કાર્યવાહી થઈ શકે છે.

દંડ થઈ શકે છે
જો તમે આ બાબતોને અનુસરતા નથી અને જો કોઈ TTEને ફરિયાદ કરે છે, તો TTE તમને સમજાવે છે અને કરવાની ના કહે છે પરંતુ જો મુસાફર ન સમજે તો આરપીએફ અને જીઆરપી આવા મુસાફરોનું ચલણ કરી શકે છે અને કલમ 145 હેઠળ કાર્યવાહી પણ કરી શકે છે.