રસીકરણ / ના ના કરતા જાણો કેટલા લાખ અમદાવાદીઓએ કોરોના રસી માટે રજિસ્ટ્રેશન કરાવ્યું

નોંધનીય છે કે આ ઉમેદવારો પૈકી 6 લાખ 55 હજાર લોકો 50 વર્ષથી મોટી ઉંમરના અને 24 હજાર લોકો 50 વર્ષથી નાના પણ કોઈ બીમારીથી પીડાતા છે. 

ખાનગી અને સરકારી સંસ્થાઓના હેલ્થ વર્કર્સે રજીસ્ટ્રેશન કરાવ્યું

આ સાથે 2192 ખાનગી હોસ્પિટલ અને ક્લિનિકના 19,920 હેલ્થકેર વર્કર અને સરકારી UHC, CHC, હોસ્પિટલ અને મેડિકલ કોલેજોના 33,762 હેલ્થ કેર વર્કર્સે રજીસ્ટર કરાવ્યું છે. આ અહેવાલ AMCએ રેકોર્ડ કર્યો છે. 

અલગ અગલ ડિપાર્ટમેન્ટના અધિકારીઓ રસીકરણમાં જોડાશે

આ મુદ્દે AMCએ ટ્રેઇનિંગ પ્રોગ્રામ / મિટિંગ યોજી હતી. જેમા સરકારી અધિકારીઓ અને મેડિકલ સુપ્રિન્ટેન્ડેન્ટ અને હેલ્થ ઓફિસર્સ હાજર રહ્યા હતા. કોરોનાના રસીકરણમાં 20 જેટલા અલગ અલગ ડિપાર્ટમેન્ટના અધિકારીઓ જોડાયા છે. આ ડિપાર્ટમેન્ટમાં મેલેરિયા, હેલ્થ, પબ્લિસિટી, એસ્ટેટ, ઇન્ટીગ્રેટેડ ચાઈલ્ડ ડેવલપમેન્ટ સ્કીમ, ફાયર, સ્કૂલ બોર્ડ, ટેક્સ, અર્બન કોમ્યુનિટી ડેવલપમેન્ટ, સોલિડ વેસ્ટ મેનેજમેન્ટ અને ઈ ગવર્નન્સ જેવા વિભાગોનો સમાવેશ થાય છે. 

AMCએ કયા નાગરિકોને પહેલા રસી આપવી તેની પ્રાથમિકતા ગોઠવી છે

આ ટ્રેઇનિંગમાં 203 જેટલા હેલ્થ સ્ટાફ, 4358 જેટલા સપોર્ટિંગ સ્ટાફ અને 88 જેટલા ફાર્માસિસ્ટનો સમાવેશ થાય છે. આ પહેલા AMC 50થી વધુ વર્ષની ઉંમરના નાગરિકોનો ડોર ટુ ડોર સર્વે પણ લીધો હતો જેથી કોને રસી પહેલા આપવી તેની પ્રાથમિકતા ગોઠવી શકાય.