કહેવાય છે કે પ્રેમમાં માણસ આંધળો થઇ જાય છે. પ્રેમમાં માણસ કંઇ પણ કરી શકે છે અને જો પ્રેમિકા ના કહે તો તેને ભોળવીને ભગાડીને લઇ જવામાં આવે છે. બસ આવો જ કિસ્સો બન્યો છે નવસારીમાં. જ્યાં પ્રેમમાં પાગલ થઇને પ્રેમી સાથે પ્રેમિકા ફરાર થઇ ગઇ છે.
Share
નવસારીમાં બની સગીરાને ભગાડવાની ઘટના
સોશ્યલ મિડીયા પર થઇ હતી મુલાકાત
17 વર્ષની સગીરાને ભગાડી ગયો યુવક
ADVERTISEMENT
સમાજમાં સોશ્યલ મીડિયાને કારણે પરિવર્તન સાથે પતન થઈ રહ્યું છે, નવસારીમાં રહેતી સગીર યુવતીને સુરતનો મજૂર યુવાન સાથે આંધળો ઓનલાઇન પ્રેમ થયો હતો, પાંગરેલા પ્રેમને કારણે યુવતી યુવાન સાથે સુરત ભાગી ગયા બાદ નવસારી પોલીસે 5 દિવસે પ્રેમી યુવાનને ઝડપી પાડી જેલના સળિયા ગણતો કર્યો છે
ADVERTISEMENT
સોશ્યલ મિડીયાએ દાટ વાળ્યો
હાલમાં સોશ્યલ મીડિયાને કારણે વિશ્વ ગામડું બની ગયું હોય તેમ કનેક્ટિવિટીથી સામાજિક અંતર દૂર થયું છે, ત્યાર સોશ્યલ મીડિયાની બ્લેક સાઈડપણ સામે આવી રહી છે, નવસારીમાં રહેતી 17 વર્ષીય સગીરા માતા અને ભાઈ સાથે રહે છે, વર્ષો પહેલા પતિને ગુમાવનાર માતા ખાનગી હોસ્પીટલમાં નર્સનો વ્યવસાય કરીને માંડ માંડ બે છેડા ભેગા કરીને દીકરીને વ્યારામાં અંગ્રેજી માધ્યમમાં ભણાવે છે.
ADVERTISEMENT
ઓનલાઇન શિક્ષણ લેતી હતી સગીરા
હાલમાં શિક્ષણ કાર્ય બંધ હોવાથી સગીરા ઘરે રહીને જ ભણતી હતી,શિક્ષણના પાઠ ભણવા સાથે સગીરાએ પ્રેમના પાઠ ઓનલાઈન ભણવાની શરૂઆત કરતા તેના દુષપરિણામ સામે આવ્યા છે, ઇન્સ્ટાગ્રામ પર સુરતમાં રહેતા 19 વર્ષીય મજુર યુવાન દર્શન રાઠોડ ને દિલ દઈ બેઠેલી યુવતી નાદાનીમાં ઘર છોડીને યુવાન સાથે જ જતી રહી હતી. જેને લઈને માતાએ નવસારી ટાઉન પોલીસ મથકમાં ગુમ થયાની ફરિયાદ કરતા પોલીસે 5 દિવસ બાદ સગીર યુવતી અને યુવકને શોધીને યુવક વિરુધ પોસ્કો એકટ હેઠળ ગુનો નોંધાયો છે
ઇન્સ્ટા દ્વારા આવ્યો સંપર્કમાં
સુરતમાં રહેતો દર્શન નામનો યુવક સગીરા સાથે ઇન્સ્ટાગ્રામ દ્વારા સંપર્કમાં આવ્યો હતો. ઓનલાઇન ભણતર ચાલતા સગીરાની માતાએ તેને સ્માર્ટફોન અપાવ્યો હતો જેના થકી તે સોશ્યલ મિડીયા વાપરતી હતી. 5 મહિના સુધી આરોપી યુવક અને સગીરા વચ્ચે વાત ચાલતી રહી અને આ 5 મહિના દરમિયાન જ સગીરાને લગ્નની લાલચ આપી હતી અને ભોળવી હતી. સગીરાને વિશ્વાસમાં લઇને દર્શન નામના આ યુવકે તેને કહ્યું હતુ કે તે તેનું ઘર છોડી દે અને તેની સાથે આવી જાય. સગીરા પણ તેની વાતમાં આવી જતાં ઘરેથી ભાગી ગઇ હતી અને તેની સાથે રહેવા લાગી હતી.
જેલ ભેગો થયો યુવક
લગ્ન કરવાની ઉંમર ન હોવા છતાં યુવકે સગીરાને લગ્ન માટે ઘરેથી ભગાડીને અપરાધ કર્યુ હતુ. જે બાદ પોલિસે તે બંનેને 5 દિવસના અંતે ઝડપી પાડ્યા હતા અને યુવકને જેલના સળિયા ગણતો કરી દીધો હતો.
