દિલ્હી / સુધરી ગયા અમેરિકા સાથે સંબંધો! ટ્રમ્પે મિત્ર ગણાવતાં PM મોદીએ પણ કર્યું ટ્વિટ, સોશિયલ મીડિયામાં વાયરલ

ટેરિફ વોરના મામલે ભારતના અમેરિકા સાથેના સંબંધો સુધરી રહ્યાં છે. આજે બે મોટી ઘટના બની હતી. પહેલા યુએસ પ્રેસિડન્ટ ડોનાલ્ડ ટ્રમ્પે પીએમ મોદીના વખાણ કર્યાં હતા જે પછી તરત પીએમ મોદીએ પણ પ્રતિક્રિયા આપી હતી. પીએમ મોદીનું આ ટ્વિટ સોશિયલ મીડિયામાં વાયરલ થયું હતું.

પીએમ મોદીએ શું ટ્વિટ કર્યું

ટ્રમ્પના વખાણ બાદ પીએમ મોદીએ પણ ટ્વિટ કર્યું હતું જેમાં તેમણે કહ્યું કે ભારત અને અમેરિકા વચ્ચેના સંબંધો પર ટ્રમ્પની લાગણીઓ અને સકારાત્મક વિચારની દિલથી કદર કરું છું. ભારત અને અમેરિકા ખૂબ સકારાત્મક અને આગળ પડતાં વૈશ્વિક ભાગીદાર છે.

વધુ વાંચો : પહેલા પત્નીનું માથું કાપ્યું પછી કર્યાં 17 ટુકડાં, કસાઈ કરતાં પણ ઘાતક નીવડ્યો મુસ્કાનનો પતિ

ટ્રમ્પે કર્યાં પીએમ મોદીના વખાણ

ટ્રમ્પે ઓવલ ઓફિસમાં કહ્યું હતું કે, 'ભારત અને અમેરિકા વચ્ચેના સંબંધો ખૂબ જ ખાસ છે અને હાલના તણાવ છતાં, મોદી અને હું મિત્રો રહીશું. તે એક મહાન વડાપ્રધાન છે. તે મહાન છે, પરંતુ હાલ મોદી જે કરી રહ્યા છે તે મને નથી ગમતું. જો કે, ભારત અને અમેરિકા વચ્ચેના સંબંધો ખૂબ જ ખાસ છે. આ અંગે ચિંતાની કોઈ વાત નથી કારણ કે બંને દેશો વચ્ચે ક્યારેક આવો સમય આવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ