પ્લેનમાં બેશરમી / ફૂલ પીને આવ્યો પેસેન્જર, ફ્લાઈટના ટોઈલેટ પાસે એર હોસ્ટેસની છાતીમાં નાખ્યો હાથ, પ્રવાસીઓમાં પેનિક

ફ્લાઈટમાં પણ પ્રવાસીઓ સખણાં નથી રહેતા. એક ફ્લાઈટમાં એર હોસ્ટેસની છેડતીનો બનાવ સામે આવ્યો છે. દિલ્હીથી શિરડી જઈ રહેલી ઇન્ડિગો ફ્લાઇટમાં એર હોસ્ટેસ સાથે છેડતી કરવાના આરોપમાં એક પુરુષ મુસાફરની ધરપકડ કરવામાં આવી છે.

પેસેન્જર દારુના નશામાં હતો

આ ઘટના વિમાનના ટોઇલેટ પાસે બની હતી જ્યારે નશાની હાલતમાં એક વ્યક્તિએ એર હોસ્ટેસને પાછળથી પકડી હતી અને તેની છાતી પર હાથ નાખ્યો હતો. એર હોસ્ટેસે તાત્કાલિક ક્રૂ મેનેજરને જાણ કરી હતી, જેમણે લેન્ડિંગ સમયે સુરક્ષા કર્મચારીઓને જાણ કરી હતી, એમ સમાચાર એજન્સી પીટીઆઈએ અહેવાલ આપ્યો છે. શુક્રવારે બપોરે શિરડી એરપોર્ટ પર ફ્લાઇટ ઉતર્યા બાદ આરોપીની ધરપકડ કરવામાં આવી હતી અને તેને રાહા પોલીસ સ્ટેશન લઈ જવામાં આવ્યો હતો. છેડતીનો કેસ નોંધવામાં આવ્યો હતો, અને તબીબી તપાસમાં પુષ્ટિ મળી હતી કે મુસાફરે દારૂ પીધો હતો.

પ્રવાસીઓ હેરાન રહ્યાં

ફ્લાઈટમાં એર હોસ્ટેસની છેડતી પર પ્રવાસીઓ પણ હેરાન રહ્યાં હતા અને તેમણે હો-હા મચાવી હતી. બધાએ એર હોસ્ટેસ સાથે સહાનુભૂતિ પ્રગટ કરી હતી.

વધુ વાંચો : આંધળી જવાની! 'મફત વાઈફ મળે છે', પોસ્ટર વાંચીને હોસ્ટેલમાં જામ્યાં જવાનીયાના ટોળાં, 'રુમ માટે મારામારી'!

ઈન્ડિગોએ શું પ્રતિક્રિયા આપી

ઈન્ડિગોના પ્રેસ સ્ટેટમેન્ટમાં એવું લખ્યું કે અમે 2 મે, 2025 ના રોજ દિલ્હીથી શિરડી જતી ફ્લાઇટ 6E 6404 માં બનેલી ઘટનાથી વાકેફ છીએ જ્યાં એક ગ્રાહકે કેબિન ક્રૂ સાથે અયોગ્ય વર્તન કર્યું હતું. અમારા ક્રૂએ નિયમોનું પાલન કર્યું. ઉતરાણ સમયે, પેસેન્જરને સુરક્ષા એજન્સીઓને સોંપવામાં આવ્યો હતો. ઇન્ડિગોમાં, અમે બધા માટે સલામત અને આદરણીય વાતાવરણ સુનિશ્ચિત કરવા માટે પ્રતિબદ્ધ છીએ અને થતી કોઈ પણ અસુવિધા માટે દિલગીર છીએ

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ