મહારાષ્ટ્ર / સાસરે આવ્યો થનારો જમાઈ, સેક્સની ના પાડી તો સગીર મંગેતર સાથે દુષ્કર્મ આચરીને હત્યા કરી

મહારાષ્ટ્રના પાલઘરમાં એક વ્યક્તિએ તેની સગીર મંગેતર છોકરી પર બળાત્કાર ગુજાર્યો અને તેની હત્યા કરી દીધી કારણ કે તેણીએ તેની સાથે શારીરિક સંબંધ બાંધવાનો ઇનકાર કર્યો હતો. આ ઘટના બુધવારે બની હતી જ્યારે આરોપી, જેની ઓળખ નિલેશ ધોંગડા તરીકે થઈ છે, તે બિબલધર ગામમાં છોકરીના ઘરે ગયો હતો.

સેક્સની ના પાડતાં મંગેતર સાથે દુષ્કર્ષ પછી હત્યા

ઘટનાને નજરે જોનાર કેટલાક લોકોએ કહ્યું કે આરોપી બપોરે પીડિતાને મળવા ગયો હતો જ્યારે તેના માતાપિતા તેમના ખેતરમાં ગયા હતા. આ સમય દરમિયાન તેણે તેણીને તેની સાથે ફિઝિકલ રિલેશન બાંધવાનું દબાણ કર્યું જોકે સગીર મંગેતરે સેક્સની ના પાડી આથી યુવકે તેની સાથે દુષ્કર્મ આચર્યું પછી ગળું દબાવીને હત્યા કરી દીધી.

જઘન્ય ગુનો આચરીને જંગલમાં ભાગ્યો

સગીર મંગેતરનો રેપ-મર્ડર કરીને આરોપી નજીકના જંગલમાં ભાગી ગયો હતો અને ફરાર રહ્યો હતો જોકે પછી પોલીસે માતાપિતાની ફરિયાદને આધારે તેને ઝડપી પાડ્યો હતો.

વધુ વાંચો : મોટા ગુડ ન્યુઝ! 75,000 રુપિયા સસ્તી થઈ ગઈ કાર, આ દિવસથી મળશે લાભ, GST ઈફેક્ટ

સાંજે ઘેર આવીને માતાપિતાએ જોઈ પુત્રીની લાશ

પીડિતાના માતા-પિતા તે સાંજે ખેતરમાંથી ઘરે પાછા ફર્યા, ત્યારે તેઓએ તેમની પુત્રી મૃત હાલતમાં મળી. પીડિતાની માતાની ફરિયાદના આધારે કેસ દાખલ કરવામાં આવ્યો હતો. ત્યારબાદ, આરોપીની ધરપકડ કરવામાં આવી હતી. આરોપીને પોલીસ કસ્ટડીમાં મોકલી દેવામાં આવ્યો છે, અને પીડિતાના મૃતદેહને પોસ્ટમોર્ટમ માટે મોકલી દેવામાં આવ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ