T20 વર્લ્ડ કપ / 'ધોનીને T20 વર્લ્ડ કપમાં વિકેટ કિપર બનાવો' ત્રણ દિગ્ગજ ક્રિકેટરોની માગથી ફેન્સ ખુશીમાં

 T20 વર્લ્ડ કપ માટે ગમે ત્યારે ટીમ ઈન્ડીયા જાહેર થઈ શકે છે. તે પહેલા એમએસ ધોનીને વર્લ્ડકપમાં ટીમ ઇન્ડિયાનો વિકેટકીપર બનાવવાની માંગ ઉઠી રહી છે. પૂર્વ ખેલાડી વરુણ આરોન, દિગ્ગજ ઓલરાઉન્ડર ઈરફાન પઠાણ અને વિરેન્દ્ર સહેવાગ પણ ધોનીની વિકેટ કિપર બનાવવાના પક્ષમાં છે અને તેમણે સપોર્ટ પણ કર્યો છે. સેહવાગે તો ત્યાં સુધી કહી દીધું છે કે તેની સ્ટ્રાઇક રેટ 250થી વધુ છે. તે ટૂર્નામેન્ટમાં અત્યાર સુધી આઉટ થયો નથી. આવી સ્થિતિમાં તેની ટીમ ઈન્ડિયા માટે પસંદગી થવી જોઈએ.

સેહવાગે તો ટીમ ઈન્ડીયા પણ જાહેર કરી દીધી
વિરેન્દર સેહવાગે ટી-20 વર્લ્ડ કપ માટે તેની પ્રિય ભારતીય પ્લેઇંગ ઇલેવન પસંદ કરી છે. તેણે આ ટીમમાંથી સ્ટાર ઓલરાઉન્ડર હાર્દિક પંડ્યાનું પત્તું કાપી નાખ્યું છે.સેહવાગે ટી 20 વર્લ્ડ કપ માટે પસંદ કરેલી ટીમમાં હાર્દિકની જગ્યાએ ઓલરાઉન્ડર શિવમ દુબેની પસંદગી કરી છે.  શિવમ દુબે ચેન્નઈ સુપર કિંગ્સ વતી રમી રહ્યો છે.  દુબેએ આઠ મેચમાં 51.83ની એવરેજ અને 169.95ની સ્ટ્રાઇક રેટથી 311 રન બનાવ્યા છે. સેહવાગે ફાસ્ટ બોલર સંદીપ શર્માને પોતાની ટીમમાં જગ્યા આપીને બધાને ચોંકાવી દીધા છે. સેહવાગે પેસર અર્શદીપ સિંહ અને મુકેશ કુમાર કરતાં સંદીપને પસંદ કર્યો. 30 વર્ષીય સંદીપ રાજસ્થાન રોયલ્સ (આરઆર)નો ભાગ છે. સંદીપે તાજેતરમાં જ મુંબઈ સામે 18 રન આપીને પાંચ વિકેટ ઝડપી હતી. સેહવાગે પ્લેઇંગ ઇલેવનમાં વિકેટકીપર બેટ્સમેન તરીકે ઋષભ પંતની પસંદગી કરી છે. તેઓએ જીતેશ શર્મા, સંજુ સેમસન અને ઇશાન કિશનને આઉટ કર્યા હતા. દિલ્હી કેપિટલ્સ (ડીસી)ના કેપ્ટન પંતે કેટલીક મેચોમાં સારો દેખાવ કર્યો છે.

2019ના વર્લ્ડ કપ વખતે ધોનીએ લીધી હતી નિવૃતી 
વર્લ્ડ કપ 2019ની ન્યુઝીલેન્ડ સામે રમાયેલ સેમિફાઇનલમાં ધોની રનઆઉટ થયો હતો એ બાદ ડ્રેસિંગ રૂમમાં પાછા જતાની સાથે જ ધોનીએ નિવૃત્તિ જાહેર કરવાનો નિર્ણય લીધો હતો.ધોની રનઆઉટ થયો ત્યારે જ નિવૃત્તિ વિશે વિચારી લીધું હતું