આઈપીએલ-2021ની પ્રથમ મેચમાં જ તેના ચાહકોને વધુ એક વખત નિરાશ થવું પડ્યું છે. ધોની ખાતું ખોલાવ્યા વગર પેવેલિયન ભેગો થયો હતો અને તેના પર લાગ્યો 12 લાખનો દંડ.
આઈપીએલ-2021ની પ્રથમ મેચમાં ચાહકો નિરાશ
ધોની ખાતું ખોલાવ્યા વગર પેવેલિયન ભેગો થયો
હાર બાદ ચેન્નઈ સુપર કિંગ્સને વધુ એક મોટો ઝટકો
ઇન્ડિયન પ્રીમિયર લીગની 14મી સીઝનમાં ચેન્નઈ સુપર કિંગ્સની શરૂઆત ખૂબ જ ખરાહ રહી હતી. ટીમને પ્રથમ મેચમાં દિલ્હી કેપિટલ્સના હાથે હારનો સામનો કરવો પડ્યો હતો. આ પછી, ત્રણ વખતની ચેમ્પિયન ટીમના કેપ્ટન મહેન્દ્રસિંહ ધોનીને પણ 12 લાખ રૂપિયાનો દંડ ફટકારવામાં આવ્યો.
આઇપીએલ દ્વારા નિયત સમયની અંદર તેની 20 ઓવર પૂર્ણ નહીં કરવા બદલ ધોનીને દંડ ફટકારવામાં આવ્યો છે. આઇપીએલએ આ વખતે સમયની પાબંદીને લગતા નિયમો કડક બનાવ્યા છે. હવે જ્યારે આ સીઝનની પહેલી ભૂલ છે, ધોનીને ફક્ત આર્થિક દંડ ભરવો પડશે.
આઈપીએલ દ્વારા જારી કરાયેલા એક નિવેદનમાં કહેવામાં આવ્યું છે કે તેમની ટીમની મિનિમમ ઓવર રેટના દરને લઈને પહેલી ભૂલ છે, જેથી આઈપીએલના નિયમોને કારણે, ધોની પર 12 લાખ રૂપિયાનો દંડ ફટકારવામાં આવે છે. નવા આઇપીએલ નિયમો હેઠળ ટીમોએ આ સિઝનમાં 90 મિનિટમાં 20 ઓવર પૂર્ણ કરવાની રહેશે. એટલે કે, તેમનો ઓવર રેટ 14.1 હોવો જોઈએ. તેને પૂર્ણ ન કરવા પર દંડ લાદવાની જોગવાઈ છે.
હકીકતમાં ચેન્નઈના બોલરોએ ફક્ત 18.4 ઓવરમાં જ બોલિંગ કરી હતી કારણ કે દિલ્હી કેપિટલ્સના બોલરોએ 8 બોલ બાકી રાખીને 189 રનનો લક્ષ્યાંક હાંસલ કર્યો હતો. દિલ્હી માટે ઓપનર શિખર ધવન અને પૃથ્વી સાવની જોરદાર બોલિંગની મદદથી ચેન્નાઈને સરળતાથી હરાવી દીધી હતી. બંનેએ 13.3 ઓવરમાં 138 રનની ભાગીદારી નોંધાવી હતી.