ક્રિકેટ / ઑસ્ટ્રેલિયા સામે જોરદાર બોલિંગ બાદ ખેતરમાં આ કામ કરતો દેખાયો શમી, ફેન્સ બોલ્યા- આ તો ધોની ભાઈની સ્ટાઈલ છે

• બોર્ડર-ગાવસ્કર ટ્રોફીની ત્રીજી મેચ પહેલા મોહમ્મદ શમી ટ્રેક્ટર પર દેખાયા
• મેચ પહેલા મોટાભાગના ભારતીય ખેલાડીઓ ઘરે પાછા ફર્યા
• શમી ટ્રેક્ટર ચલાવીને પોતાના ખેતરમાં કામ કરતા દેખાયા 

મોહમ્મદ શમી ખેતરમાં ટ્રેક્ટર ચલાવતા દેખાયા

ભારતીય ટીમના ફાસ્ટ બોલર મોહમ્મદ શમી હાલમાં બોર્ડર-ગાવસ્કર ટ્રોફીમાં ટીમ ઈન્ડિયાનો ભાગ છે. શમી બંને ટેસ્ટ મેચમાં ટીમની પ્લેઈંગ ઈલેવનમાં સામેલ રહ્યાં. બે મેચમાં તેઓ અત્યાર સુધી 7 વિકેટ લઇ ચૂક્યા છે. તો શ્રેણીની ત્રીજી મેચ 1 માર્ચથી ઈન્દોરમાં રમાશે. આ મેચ પહેલા થોડો લાંબો બ્રેક હોવાને કારણે મોટાભાગના ભારતીય ખેલાડીઓ પોતપોતાના ઘરે પાછા ફર્યા છે. જેમાં મોહમ્મદ શમીનો સમાવેશ થાય છે. ઘર પરત ફરતા શમી ખેતરમાં ટ્રેક્ટર ચલાવતા દેખાયા. 

ક્રિકેટ પ્રેમીઓને યાદ આવ્યાં મહેન્દ્ર સિંહ ધોની 

શમીએ સોશિયલ મીડિયામાં એક વીડિયો શેર કર્યો, જેમાં તેઓ ટ્રેક્ટર ચલાવીને પોતાના ખેતરમાં કામ કરતા દેખાઈ રહ્યાં છે. શમીના આ વીડિયોને ક્રિકેટ પ્રેમીઓ ખૂબ પસંદ કરી રહ્યાં છે. આ વીડિયોને અત્યાર સુધી ત્રણ લાખથી વધુ લોકો લાઈક કરી ચૂક્યા છે. તો હજારો લોકો કોમેન્ટ કરીને પોતાની પ્રતિક્રિયાઓ પણ આપી ચૂક્યા છે. જેના પર એક ક્રિકેટ પ્રેમીએ મજાકમાં કોમેન્ટ કરતા લખ્યું, બોર્ડર-ગાવસ્કર ટ્રોફીની આગામી મેચ માટે પિચ બનાવતા. મોહમ્મદ શમીએ આ વીડિયોને શેર કરતા કેપ્શનમાં લખ્યું, "દરરોજ કામ."

 

 

 

 

View this post on Instagram

 

 

 

 

 

 

 

 

 

 

 

A post shared by Mohammad Shami , محمد الشامي (@mdshami.11)

ધોનીએ પણ ખેતરમાં ટ્રેક્ટરથી કામ કર્યુ હતુ 

શમીના આ વીડિયોને જોઈને ક્રિકેટ પ્રેમીઓને ભારતના પૂર્વ કેપ્ટન મહેન્દ્ર સિંહ ધોની યાદ આવી ગયા. ધોનીએ થોડા દિવસો પહેલા સોશિયલ મીડિયા દ્વારા એક વીડિયો શેર કર્યો હતો, જેમાં તેઓ પણ પોતાના ટ્રેક્ટરથી ખેતરમાં કામ કરતા જોવા મળ્યાં હતા.