નેશનલ / ઈન્સ્ટાગ્રામ પર PM મોદીએ રચ્યો ઈતિહાસ, 10 કરોડ ફોલોઅર્સ વાળા દુનિયાના પહેલા નેતા

પ્રધાનમંત્રી નરેન્દ્ર મોદી 2014માં મેટાના પ્લેટફોર્મ ઇન્સ્ટાગ્રામમાં જોડાયા હતા. છેલ્લા દસ વર્ષમાં, તેમનું એકાઉન્ટ વિશ્વના નેતાઓમાં સૌથી વધુ એન્ગેજીંગ ડિજિટલ સ્પેસમાંનું એક બની ગયું છે. પીએમ મોદીના યુએસ રાષ્ટ્રપતિ ડોનાલ્ડ ટ્રમ્પ કરતા બમણા ઇન્સ્ટાગ્રામ ફોલોઅર્સ છે. હકીકતમાં, વિશ્વના ટોચના પાંચ વૈશ્વિક નેતાઓના સંયુક્ત ફોલોઅર્સ પીએમ મોદીના એકલ ફોલોઅર્સ કરતા ઓછા છે.

બીજા નંબરે ડોનાલ્ડ ટ્રમ્પ

ફોલોઅર્સની યાદીમાં બીજા નંબરે અમેરિકાના રાષ્ટ્રપતિ ડોનાલ્ડ ટ્રમ્પ છે. પરંતુ તેમના ફોલોઅર્સ પ્રધાનમંત્રી મોદી કરતા ઘણી ઓછી સંખ્યામાં છે. કહેવાય છે કે મોદીજીના ફોલોઅર્સ ટ્રમ્પ કરતા દોઢ ગણા કરતાં પણ વધારે છે.

અન્ય દેશોના નેતાઓ પણ યાદીમાં

આ યાદીમાં ઈન્ડોનેશિયા, બ્રાઝિલ, તુર્કી અને આર્જેન્ટિના જેવા દેશોના રાષ્ટ્રપતિઓ પણ સામેલ છે. પરંતુ ફોલોઅર્સની સંખ્યામાં સૌ કોઈથી આગળ પ્રધાનમંત્રી મોદી છે.

આ પણ વાંચોઃ VIDEO : ઈઝરાયેલી સંસદમાં PM મોદીને 'સ્પીકર ઓફ નેસેટ મેડલ'થી સન્માનિત કરાયા

શું છે ખાસ?

• 10 કરોડથી વધુ ફોલોઅર્સ
• દુનિયાના નંબર 1 નેતા ઇન્સ્ટાગ્રામ પર
• લોકો સાથે સીધો સંપર્ક રાખવાની મોટી સિદ્ધિ

કોણ કયા નંબર પર છે?

• પીએમ મોદી - 100 મિલિયન ફોલોઅર્સ
• ડોનાલ્ડ ટ્રમ્પ - 43.2 મિલિયન ફોલોઅર્સ
• ઇન્ડોનેશિયાના રાષ્ટ્રપતિ પ્રબોવો સુબિયાન્ટો - 15 મિલિયન ફોલોઅર્સ
• બ્રાઝિલના રાષ્ટ્રપતિ - 14.4 મિલિયન ફોલોઅર્સ
• તુર્કીના રાષ્ટ્રપતિ તૈયપ એર્દોગન - 11.6 મિલિયન ફોલોઅર્સ
• આર્જેન્ટિનાના રાષ્ટ્રપતિ જાવિઅર મેઇલી - 6.4 મિલિયન ફોલોઅર્સ

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ