Coronavirus / કોરોના વાયરસના ડરથી દુનિયાની સૌથી મોટી આ ઈવેન્ટ થઈ રદ્દ

• કોરોના વાયરસનો કહેર હવે ટેક ઈન્ડસ્ટ્રીમાં જોવા મળ્યો 
• GSMAએ કોરોના વાયરસને કારણે કેન્સલ કરી  MWC 2020 ઈવેન્ટ
• MWC 2020 દુનિયાની સૌથી મોટી ટેક ઈવેન્ટમાંથી એક છે

તમને જણાવી દઈએ કે, GSMA કંપની ઘણાં સમયથી આ ઇવેન્ટનું આયોજન કરી રહી છે. અગાઉ, નોકિયા, ફેસબુક, વિવો, સોની અને એમેઝોન જેવી કંપનીઓએ આ ઇવેન્ટમાંથી બેકઆઉટ કર્યું હતું અને કંપનીઓએ કહ્યું હતું કે, અમે આ ઇવેન્ટમાં ભાગ નહીં લઈએ, કારણ કે અમે અમારા કર્મચારીઓ અને પાર્ટનર્સને આ વાયરસથી બચાવવા માંગીએ છીએ.

મોબાઈલ વર્લ્ડ કોંગ્રેસ 2020 થયું રદ્દ

જીએસએમએ કહે છે કે, અમે આ વાયરસને બાર્સિલોનામાં ફેલાવા દેવા માંગતો નથી. આ જ કારણથી અમે આ ઇવેન્ટને રદ્દ કરી છે. કંપનીએ વધુમાં કહ્યું કે, અમે ચીન અને આ વાયરસ સામે ઝઝૂમી રહેલાં લોકોની સાથે છીએ. હવે એવી અપેક્ષા છે કે, આ ઇવેન્ટ આવતા વર્ષે એટલે કે 2021માં યોજાશે.

આ કંપનીઓએ મોબાઇલ વર્લ્ડ કોંગ્રેસમાં ભાગ લીધો નહોતો

નોકિયા, એમેઝોન, સોની, વિવો, એલજી અને Nvidiaએ થોડાં દિવસો પહેલાં જ ઇવેન્ટમાં ભાગ લેવાનો ઇનકાર કર્યો હતો. આ કંપનીઓએ કહ્યું હતું કે અમે આ વાયરસને ફેલાવા નહીં દઈએ અને અમે એ બધાં લોકો સાથે છીએ જેઓ આ ખતરનાક વાયરસ સામે લડી રહ્યા છે.

કોરોના વાયરસ બહુ જ ખતરનાક છે

કોરોના વાયરસ ખૂબ જ જોખમી છે. મોટાભાગના દેશો આ વાયરસ સામે ઝઝૂમી રહ્યાં છે અને હજી સુધી કોઈને પણ તેનો ઈલાજ મળ્યો નથી. ઉલ્લેખનીય છે કે, ચીનમાં 40,000થી વધુ લોકો આ વાયરસથી પ્રભાવિત છે અને 200થી વધુ લોકોએ પોતાનો જીવ ગુમાવી ચૂક્યા છે.