આતંકવાદી / અમેરિકાનાં બે સાંસદોને ઘરમાં ઘુસીને ગોળીઓ ધરબી દેવાઇ, પોલીસ અધિકારી બની આવ્યો હતો હત્યારો

Minnesota Firing : મિનેસોટાના બે સાંસદો અને બંન્નેના જીવનસાથીઓને મોડી રાત્રે ગોળી મારી દેવામાં આવી હોવાની ચોંકાવનારી માહિતી સામે આવી હતી. જે અધિકારીઓના મતે પોલીસ અધિકારી હોવાનો ઢોંગ કરતા એક વ્યક્તિ દ્વારા કરવામાં આવ્યો હતો. કાયદા અમલીકરણ સૂત્રોએ પુષ્ટિ આપી છે. બ્રુકલિન પાર્ક અને ચેમ્પલિન વિસ્તારોમાં હવે શોધખોળ ચાલી રહી છે.

FOX 9 અને 5 આઇવિટનેસ ન્યૂઝ અનુસાર, સેનેટર જોન હોફમેન અને પ્રતિનિધિ મેલિસા હોર્ટમેન, બંને હેનેપિન કાઉન્ટીના ભાગોનું પ્રતિનિધિત્વ કરતા ડેમોક્રેટ્સ સાંસદો છે. બંન્નેના ઘરે અલગ અલગ ઘટનાઓમાં ગોળીબાર થયો હતો. જેમાં બંન્નેનાં મોત થયા હોવાની આશંકા છે. જો કે આ અંગે કોઇ અધિકારીક નિવેદન અપાયું નથી.

બ્રુકલિન પાર્ક પોલીસ વિભાગે એડિનબર્ગ ગોલ્ફ કોર્સ નજીક ત્રણ માઇલના ત્રિજ્યા માટે સવારે 5:30 વાગ્યે રેડ એલર્ટ જાહેર કર્યું છે. શંકાસ્પદને ભૂરા વાળવાળા સફેદ માણસ તરીકે વર્ણવવામાં આવ્યો છે. વાદળી શર્ટ અને વાદળી પેન્ટ ઉપર કાળી હુડી પહેરી હોવાની શક્યતા છે. અધિકારીઓના અનુસાર તે સશસ્ત્ર, ખતરનાક અને સંભવતઃ પોલીસ હોવાનો ડોળ કરતો પણ જોવા મળી શકે છે.

મિનેસોટામાં, જનપ્રતિનિધિઓ પર તેમના ઘરોમાં હુમલો કરવામાં આવ્યો હતો. આ હુમલામાં એક મહિલા રાજ્ય પ્રતિનિધિ અને તેમના પતિનું મૃત્યુ થયું હતું. આ લક્ષ્યાંકિત હુમલો (ટાર્ગેટેડ એટેક) માનવામાં આવી રહ્યો છે. હુમલાખોર પોલીસ ડ્રેસમાં હતો અને તેમની કારમાંથી એક મેનિફેસ્ટો મળી આવ્યો છે. જેમાં અન્ય નેતાઓના નામ પણ છે.

બે નેતાઓ પર થયો ગોળીબાર

અમેરિકાના મિનેસોટામાં, બે જનપ્રતિનિધિઓ - રાજ્ય સેનેટર જોન હોફમેન અને રાજ્ય પ્રતિનિધિ મેલિસા હોર્ટમેન - પર તેમના નિવાસસ્થાને હુમલો કરવામાં આવ્યો છે. સ્થાનિક અધિકારીઓએ તેને લક્ષ્યાંકિત હુમલો ગણાવ્યો છે. જેમાં જોન હોફમેન આ હુમલામાં ઘાયલ થયા છે. જ્યારે મેલિસા હોર્ટમેન અને તેમના પતિનું આ હુમલામાં મૃત્યુ થયું છે.

આ ગોળીબાર મિનેપોલિસ ઉપનગરો ચેમ્પલિન અને બ્રુકલિન પાર્ક પર થયો હતો. પ્રારંભિક તપાસ મુજબ, એવી શંકા છે કે હુમલાખોર પોતાને પોલીસ અધિકારી તરીકે રજૂ કરીને અંદર ઘુસીને હુમલો કર્યો હતો. પોલીસ અધિકારીઓ હુમલા પાછળનો હેતુ સમજવાનો પ્રયાસ કરી રહ્યા છે.

આપણે રાજકીય હિંસા સામે રહેવું પડશે!

મિનેસોટાના ગવર્નર ટિમ વોલ્ઝે એક પ્રેસ કોન્ફરન્સમાં કહ્યું, "આપણે માત્ર મિનેસોટામાં જ નહીં પરંતુ સમગ્ર દેશમાં તમામ પ્રકારની રાજકીય હિંસા સામે ઉભા રહેવું પડશે." તેમણે વધુમાં કહ્યું, "જે લોકો આ માટે જવાબદાર છે તેમને ચોક્કસપણે સજા થશે." આ હુમલા પછી, અધિકારીઓએ મિનેપોલિસના બે ઉપનગરોમાં રહેતા લોકોને ઘરમાં રહેવા અપીલ કરી, કારણ કે તેઓ પોલીસ ગણવેશમાં કથિત રીતે શંકાસ્પદ વ્યક્તિને શોધી રહ્યા છે.

દરમિયાન, મિનેસોટા પોલીસ વડાએ માહિતી આપી કે શંકાસ્પદની કારમાંથી એક "ઘોષણાપત્ર" મળી આવ્યું છે. જેમાં ઘણા ધારાસભ્યો અને જનપ્રતિનિધિઓના નામ સંભવિત લક્ષ્યો તરીકે સૂચિબદ્ધ છે.

હુમલાખોરોની પૃષ્ઠભૂમિ શોધી રહેલી પોલીસ

તપાસ એજન્સીઓ હવે એ જાણવાનો પ્રયાસ કરી રહી છે કે આ એકમાત્ર હુમલો હતો કે મોટા ષડયંત્રનો ભાગ હતો. વિસ્તારમાં સુરક્ષા વધારી દેવામાં આવી છે અને આસપાસના તમામ જનપ્રતિનિધિઓને વધારાની સુરક્ષા આપવામાં આવી રહી છે. સ્થાનિક વહીવટીતંત્ર, FBI અને અન્ય સંઘીય એજન્સીઓ આ કેસમાં સંયુક્ત તપાસ કરી રહી છે. હુમલાખોરની ઓળખ જાહેર કરવામાં આવી નથી, પરંતુ તેના રાજકીય હેતુની શક્યતાને નકારી શકાય નહી. એવું માનવામાં આવે છે કે તે ખાસ કરીને જનપ્રતિનિધિઓને નિશાન બનાવવાની યોજના બનાવી રહ્યો હતો..

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ