આગાહી / હવે સવારે ઠંડી અને બપોરે ગરમી સહન કરવી પડશે, હવામાન વિભાગે કરી આ મોટી આગાહી, જાણો તમારા ત્યા કેટલું તાપમાન રહેશે

• ઠંડીને લઈને હવામાન વિભાગની મોટી આગાહી 
• આ મહિનાના અંતમાં થશે બેવડી ઋતુનો અનુભવ 
• અનેક શહેરોમાં તાપમાન 30 ડિગ્રી ઉપર જશે 

નવા વર્ષની શરૂઆતમાં ઠંડીએ જોર પકડ્યું હતું અને જાન્યુઆરી મહિનામાં ઠંડીનો પારો ગગડ્યો હતો. જોકે બાદમાં ફેબ્રુઆરી માસમાં પણ ઠંડીનું પ્રમાણ જોવા મળ્યું હતું. પરંતુ છેલ્લા એક સપ્તાહથી રાજ્યમાં ઠંડીનું પ્રમાણ ઘટતું જોવા મળ્યું છે. સાથેજ એકાએક ગરમીનો પણ અનુભવ થઈ રહ્યો છે. ત્યારે આ બધા વચ્ચે હવામાન વિભાગે મોટી આગાહી કરી છે. 

ફેબ્રુઆરીના અંતમાં બેવડી ઋતુ

હવામાન વિભાગ દ્વારા હવે આગાહી કરી દેવામાં આવી છે કે રાજ્યમાં શિયાળાની ઋતુ હવને અંતિમ તબક્કા છે. હાલ ગરમીનો અનુભવ તો થઈજ રહ્યો છે ત્યારે હવામાન વિભાગે આગાહી કરી છે કે ફેબ્રુઆરીના અંત સુધીમાં હવે બેવડી ઋતુ જોવા મળશે. 

તાપમાનનો પારો 30 ડિગ્રી ઉપર જશે 

થોડાક દિવસોથી જે ગરમી વધી રહી છે. તેના કારણો મોટા ભાગના લોકો હેરાન છે. ત્યારે હવામાન વિભાગની આગાહી પ્રમાણે બેવડી ઋતુ શરૂ થશે જેમા સવારે ઠંડી અને બપોરે ગરમીનો અનુભવ થશે. સાથેજ ઘણા બધા શહેરોમાં તાપમાન 30 ડિગ્રી ઉપર જશે જેથી ઉનાળઓ આવી ગયો હોય તેવોજ અનુભવ થશે. 

પવનોની દિશા પણ બદલાશે 

ઉલ્લેખનીય છે કે છેલ્લા કેટલાક દિવસોથી રાજ્યમાં એકંદરે ગરમીનું પ્રમાણ વધેલું જોવા મળ્યું છે. ત્યારે હવામાન વિભાગે કરેલી આગાહી પ્રંમાણે હવે પવનોની દિશા બદલાશે જેના કારણે રાજ્યમાં બેવડી ઋતુની અસર રહેશે. મહત્વનું છે કે આ વખથે શિયાળામાં સૌથી વધું ઠંડીનો અનુભવ જાન્યુઆરી મહિનામાં થયો હતો.