ફરિયાદ / વડોદરામાં સોનાની વીંટી અને ચેઈન લૂંટી ઠગો ફરાર , પોલીસે તપાસ શરૂ કરી

વડોદરા શહેરમાં ઠગાઈની એક અનોખી ઘટના સામે આવી છે. સાધુના વેશમાં આવેલા શખ્સોએ આશીર્વાદ આપવા ના બહાને વેપારીને હિપ્નોટાઇઝ કરી સોનાની વીંટી અને ચેઈન પડાવી લૂંટી લીધા પછી ફરાર થઈ ગયા.

માહિતી મુજબ, વેપારી સુરેશચંદ્ર રાણાને શહેર વિસ્તારમાં એક કારમાં આવેલા સાધુ વેશધારી શખ્સોએ રસ્તા પર રોક્યા હતા. તેમણે એડ્રેસ પૂછવાની વાત કરી વેપારીને કારની નજીક બોલાવ્યો. ત્યારબાદ, સાધુએ આશીર્વાદ આપવાનો બહાનો કરી વેપારીના હાથમાં સ્પર્શ કર્યો અને તેમને હિપ્નોટાઇઝ કરી દીધા. વેપારી અજાણતા તેમની સોનાની વીંટી અને ગળાની ચેઈન ઉતારી આપતા ઠગો કારમાં બેઠા અને સ્થળ પરથી ફરાર થઈ ગયા.

થોડી વારમાં વેપારી ભાનમાં આવ્યા બાદ ઘટના સમજાઈ, અને તેમણે તરત જ બાપોદ પોલીસ મથકમાં ફરિયાદ નોંધાવી. પોલીસ હાલમાં કાર અને આરોપીઓની શોધખોળ શરૂ કરી છે. આસપાસના CCTV ફૂટેજના આધારે ઠગોની ઓળખ કરવા માટે તપાસ ચાલુ છે.

આ પણ વાંચોઃ પતિ ડૉક્ટર છે, ક્લિનિક ખોલવું છે, કહીને રૂ. 30 લાખની ઠગાઇ આચરનાર દંપતીની ધરપકડ

પોલીસ નાગરિકોને ચેતવણી આપી રહી છે કે અજાણ્યા વ્યક્તિઓ, ખાસ કરીને સાધુના વેશમાં આવેલા શખ્સો સાથે સાવધ રહેવું અને કોઈપણ શંકાસ્પદ હલચલ જોવા મળે તો તાત્કાલિક પોલીસને જાણ કરવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ