સોશિયલ મીડિયા પર એક વીડિયો ઝડપથી વાયરલ થઈ રહ્યો છે. આ ચોંકાવનારો વીડિયો અમેરિકાના મિયામી બીચ પરથી થયેલી હેલિકોપ્ટર ક્રેશનો છે
અમેરિકાના મિયામી બીચ પાસે હેલિકોપ્ટર ક્રેશની બની દુર્ઘટના
બીચ ઉપર લોકો દરિયાના મોજાની મજા માણી રહ્યાં હતાં.
આ દુર્ઘટનામાં બે લોકો ગંભીર રૂપે ઘવાયા
અમેરિકાના મિયામી બીચ પર હજારો લોકો મસ્તી કરી રહ્યા છે. કેટલાક લોકો સન બાથની મજા માણી રહ્યા હતાં. તો વળી કેટલાક લોકો દરિયામાં સ્નાન કરી રહ્યા છે. ત્યારે એક એવી ઘટના બને છે જેની તમે કલ્પના પણ ન કરી શકો.
This afternoon at 1:10 p.m., MBPD received a call of a helicopter crash in the ocean near 10 Street. Police and @MiamiBeachFire responded to the scene along with several partner agencies. Two occupants have been transported to Jackson Memorial Hospital in stable condition.
અચાનક એક સળગતું હેલિકોપ્ટર પાણીમાં પડે છે. હેલિકોપ્ટર પાણીમાં પડતાની સાથે જ ભારે દોડધામ મચી જવા પામી હતી. કેટલાક લોકો એવા છે કે જેઓ હેલિકોપ્ટર પાણીમાં પડે તે પહેલા જ તેને જોઈ લે છે અને વચ્ચેથી ભાગવાનો પ્રયાસ કરે છે. સદનસીબે, આ ઘટનામાં બીચ પર કોઈને ઈજા થઈ નથી.
ઘટના બાદ પોલીસે બીચ પર પ્રતિબંધ લગાવી દીધો
ત્યારબાદ પોલીસ અને ફાયર બ્રિગેડની ટીમ ઘટનાસ્થળે પહોંચી હતી. હેલિકોપ્ટરમાં ઘાયલ બે લોકોને હોસ્પિટલમાં લઈ જવામાં આવ્યા હતા. આ ઘટના શનિવારે બપોરે 1 વાગ્યાની આસપાસ બની હતી. મિયામી બીચ પોલીસે પોતાના ટ્વિટર હેન્ડલ પરથી આ ઘટનાનો વીડિયો શેર કર્યો છે. અન્ય એક ટ્વિટમાં પોલીસે કહ્યું કે હાલમાં લોકોને મિયામી બીચ પર જવા પર પ્રતિબંધ લગાવી દેવામાં આવ્યો છે.
હેલિકોપ્ટરમાં ત્રણ લોકો સવાર હતાં
અહેવાલો અનુસાર, આ હેલિકોપ્ટરમાં કુલ 3 મુસાફરો હતા, જેમાંથી બેને હોસ્પિટલમાં દાખલ કરવામાં આવ્યા છે. બંને ઘાયલોને સ્થાનિક હોસ્પિટલમાં સારવાર આપવામાં આવી રહી છે. સ્થાનિક પોલીસે જણાવ્યું કે આ ઘટના બીચથી લગભગ 50 યાર્ડ દૂર આ ઘટના બની હતી. જો કે, રાહતની વાત એ છે કે, આ ઘટનામાં કોઈ જાનહાનિ થઈ નથી.