જાહેરાત / જોરદાર! મધ્યમ વર્ગની પહેલી પસંદ Wagon R નું લોન્ચ થશે ઈલેક્ટ્રિક મોડૅલ, જાણી લો કિંમત

• મારૂતિ સુઝુકી પોતાની પ્રથમ ઈલેક્ટ્રીક કાર 2024માં કરશે લોન્ચ
• પહેલી EV ગ્રાહકોની મનપસંદ કાર વેગનઆર ઈલેક્ટ્રીક હશે
• કંપની 2026 સુધી પોતાના ઈલેક્ટ્રીક પોર્ટફોલિયોમાં કારની સંખ્યા વધારશે

ગ્રાહક 10-12 લાખ રૂપિયાના બજેટમાં ખરીદી શકશે

ત્યારબાદ કંપની 2026 સુધી પોતાના ઈલેક્ટ્રીક પોર્ટફોલિયોમાં કારની સંખ્યા વધારશે. મારૂતિએ 2018માં EV પ્લાનની જાહેરાત કરી હતી અને 2020માં પહેલી ઈલેક્ટ્રીક કાર લોન્ચ કરવાની વાત કહી હતી. પરંતુ ઘણા બધા પડકારોને પગલે કંપની આ કારમાં ખૂબ મોડી પડી છે. જેમાં મહામારીથી લઇને ચાર્જિગ ઈન્ફ્રાસ્ટ્રક્ચર અને બેટરીનો ખર્ચ સામેલ થાય છે. Tata Motors અને Hyundai India સિવાય MG Motor India નું માનવુ છે કે 2026-2028 સુધી દેશમાં ચાર્જિગની પૂરતી વ્યવસ્થા તૈયાર થઇ જશે. મારૂતિ સુઝુકી પણ આ ગણતરી સાથે દેશમાં ઈલેક્ટ્રીક વાહનોને મુકાબલે ઉતારશે. કંપનીએ વ્યાજબી બેટરી ટેકનોલોજી માટે તોશિબા અને ડેન્સોની સાથે ભાગીદારી કરી છે. જેમાં કારો માટે બેટરી બનાવવામાં આવશે અને બાકી કંપનીઓને સપ્લાય પણ કરાશે. ઉલ્લેખનીય છે કે, કંપનીનો મુખ્ય ઉદ્દેશ્ય સામાન્ય જનતાના બજેટમાં આવતી ઈલેક્ટ્રીક કાર રજૂ કરવાનો છે, જે ખરેખર વ્યાજબી હશે અને આશરે 10-12 લાખ રૂપિયાના બજેટમાં ગ્રાહક તેને ખરીદી શકશે.

EV માર્કેટમાં વધુ તેજી આવવાની શક્યતા

2024 સુધી જો આ કાર મારૂતિ સુઝુકી લોન્ચ કરે છે તો આ ખૂબ શ્રેષ્ઠ સાબિત થશે. કારણકે વર્તમાન સ્થિતિને જોઈને અત્યારે EV બજારમાં વધુ તેજી આવવાની સંભાવના છે. ઈન્ડસ્ટ્રી રિપોર્ટનું માનીએ તો સપ્ટેમ્બર સુધી 2900 પબ્લિક EV ચાર્જિગ પોઈન્ટની ગણતરી થઇ ગઇ છે અને 2025 સુધી આ સંખ્યા 79,000 સુધી પહોંચવાની નીતિ પર કામ થઇ રહ્યું છે.