VIDEO / કોંગ્રેસે રાહુલ ગાંધી અને PM મોદીનો કાર્ટૂન વીડિયો બનાવ્યો: ભારતના નક્શામાં કરી એવી ભૂલ કે ભડકી ગઈ જનતા, BJPએ પણ સાધ્યું નિશાન

• કોંગ્રેસે પીએમ મોદીને ટોણો મારવા માટે એક વીડિયો જાહેર કર્યો 
• વીડિયોના એક ભાગમાં ભારતનો અધૂરો નકશો દેખાય છે
• ભારતના ટુકડા કરવા એ રાહુલ ગાંધીનો અઘોષિત એજન્ડા : BJP

વાસ્તવમાં કોંગ્રેસે પીએમ મોદીને ટોણો મારવા માટે એક વીડિયો જાહેર કર્યો છે. એનિમેશનની મદદથી બનેલા આ વીડિયોના એક ભાગમાં રાહુલ ગાંધી અને પીએમ મોદી વચ્ચે ભારતનો અધૂરો નકશો દેખાય છે. આમાં ઉત્તર પૂર્વ નથી. અમિત માલવિયાએ માઇક્રો બ્લોગિંગ સાઇટ X પર આ તસવીર પોસ્ટ કરી છે.બીજેપી આઈટી સેલના વડા અને પશ્ચિમ બંગાળના સહ-ઈન્ચાર્જ અમિત માલવિયાએ કોંગ્રેસના સત્તાવાર વીડિયોમાં ઉત્તર પૂર્વને હટાવીને ભારતના અધૂરા નકશા પર આકરા પ્રહારો કર્યા છે. તેમણે કહ્યું છે કે ભારતના ટુકડા કરવા એ રાહુલ ગાંધીનો અઘોષિત એજન્ડા છે. તેમણે લખ્યું, તેના સત્તાવાર વીડિયોમાં કોંગ્રેસે કાશ્મીર પછી હવે સમગ્ર ઉત્તર પૂર્વને ભારતના નકશામાંથી કાપી નાખ્યું છે. શું રાહુલ ગાંધીએ ઉત્તર પૂર્વને ચીનને સોંપવા માટે ચીન સાથે કરાર કર્યો છે? ભારતના ટુકડા - "વિચ્છેદ રાહુલ ગાંધીનો અઘોષિત એજન્ડા છે. તે ખતરનાક અને કપટી છે."

Congress and the Tukde Tukde gang have the same agenda : to cut off the North East. And gift it to China? This kind of nefarious politics is dangerous for India’s sovereignty and integrity…

Rahul Gandhi is dangerous and devious. pic.twitter.com/zN1O1mUhIz

— Amit Malviya (@amitmalviya) September 16, 2023

રાહુલ 2017માં ચીનના રાજદૂતને મળ્યા હતા

2017 માં જ્યારે ડોકલામમાં ભારતીય અને ચીની સૈનિકો વચ્ચે સંઘર્ષ ચાલી રહ્યો હતો, ત્યારે એવા આરોપો લાગ્યા હતા કે રાહુલ ગાંધીએ ચીનના રાજદૂતો સાથે ગુપ્ત બેઠક કરી હતી. શરૂઆતમાં કોંગ્રેસના નેતાઓએ આ વાતનો ઈન્કાર કર્યો હતો પરંતુ બાદમાં રાહુલ ગાંધીએ પોતે 10 જુલાઈ 2017ના રોજ ટ્વિટ કરીને માહિતી આપી હતી કે તેઓ ચીનના રાજદૂતને મળ્યા હતા. રાહુલ ગાંધીએ ટ્વિટ કર્યું હતું કે, મહત્વના મુદ્દાઓ પર અપડેટ રહેવાનું મારું કામ છે. હું ચીનના રાજદૂત, ભૂતપૂર્વ ASA, ઉત્તર પૂર્વના કોંગ્રેસ નેતાઓ અને ભૂટાનના રાજદૂતને મળ્યો છું. ત્યારથી ભાજપ ચીનના મુદ્દે રાહુલ ગાંધીને સતત ઘેરી રહ્યું છે. હવે ફરી એકવાર જ્યારે કોંગ્રેસના સત્તાવાર વીડિયોમાં દેશના નકશા પરથી પૂર્વોત્તરનું ચિત્ર દેખાતું નથી ત્યારે ભાજપને નિશાન બનાવવાની તક મળી છે.

नरेंद्र मोदी: मेरे पास ED है, पुलिस है, सत्ता है, पैसा है, दोस्त है.. क्या है तुम्हारे पास?

राहुल गांधी: मेरे साथ पूरा देश है ❤️ pic.twitter.com/IMY6MHVz8q

— Congress (@INCIndia) September 16, 2023

ભાજપે એક વીડિયો જાહેર કરીને કોંગ્રેસ પર નિશાન સાધ્યું 

જેમ જેમ લોકસભાની ચૂંટણી નજીક આવી રહી છે તેમ તેમ ભાજપ અને કોંગ્રેસ વચ્ચે શબ્દયુદ્ધ તેજ બની રહ્યું છે. બંને ડિજિટલ પ્લેટફોર્મ દ્વારા એકબીજા પર પ્રહારો પણ કરી રહ્યા છે. આ પહેલા ભાજપે એક વીડિયો જાહેર કરીને કોંગ્રેસ પર નિશાન સાધ્યું હતું, ત્યારબાદ કોંગ્રેસે પણ આવો જ એક એનિમેશન વીડિયો જાહેર કર્યો છે.