કોરોના વાયરસ / માણસાના ધારાસભ્યના ભાઈનું અમેરિકાના ન્યૂજર્સીમાં કોરોનાથી મોત

• ગુજરાતીનું અમેરિકામાં કોરોનાથી મોત
• માણસાના ધારાસભ્ય સુરેશ પટેલના ભાઇનું કોરોનાથી મોત
• અમેરિકાના ન્યૂજર્સી ખાતે થયું મોત

ગાંધીનગરના માણસાના કોંગ્રેસના ધારાસભ્ય સુરેશ પટેલનો પરિવાર વર્ષોથી અમેરિકામાં સ્થાયી થયેલો છે. ત્યારે તેમના પરિવારના 300 સભ્યોનો પરિવાર બિઝનેસ સાથે સંકળાયેલો છે, જેને લઇને પરિવારનું ભારતથી અમેરિકા અને અમેરિકાથી ભારત આવન-જાવન શરૂ રહે છે. જેને લઇને માણસાના ધારાસભ્ય સુરેશ પટેલના ભાઇ અરવિંદ પટેલ પણ અમેરિકામાં હતા, જેમનું કોરોનાના કારણે મોત થયું છે. એક મહિના પહેલા 2 મહિનાના પ્રવાસ કરવા અરવિંદ પટેલ ન્યૂજર્સી ગયા હતા. જ્યાં તેમનું કોરોના વાયરસના કારણે મોત થયું છે. જોકે અરવિંદ પટેલના પત્નીનો કોરોનાનો રિપોર્ટ નેગેટિવ આવ્યો છે.

કલોલ પાસે આવેલા પલિયડથી અરવિંદ પટેલ તેમના ભાઇ બિમાર હોવાથી તેમના ખબર પૂછવા માટે અમેરિકા ગયા હતા. તેઓ ત્યાં તેમની પુત્રીને ત્યાં થોડો સમય રોકાયા હતા. ત્યારબાદ ત્યાં તેમને ઉધરસ અને શરદીની સમસ્યા થઇ હતી. જેને લઇને તેમને સ્થાનિક હોસ્પિટલમાં બતાવવા માટે લઇ ગયા હતા. જ્યાં તેમનો તપાસ દરમિયાન કોરોના પોઝિટિવ આવતા સારવાર ચાલી રહી હતી. પરંતુ સારવાર દરમિયાન તેમનું ન્યૂજર્સીમાં મોત થયું છે. તેમનું મોત થતા માણસા તાલુકા અને ગાંધીનગર જિલ્લા કોંગ્રેસમાં શોક ફેલાયો હતો.