મંદિરા બેદીએ તેના પતિના અંતિમ સંસ્કારમાં જે કપડા પહેર્યા હતા તેના કારણે સોશિયલ મીડિયા પર તે ઘણી ટ્રોલ થઈ હતી. પરંતુ સિંગર સોના મહાપાત્રાએ મંદિરાનો સાથ આપ્યો અને ટ્રોલ કરનાર લોકોને બરાબરનો જવાબ આપ્યો.
મંદિરા બેદી સોશિયલ મીડિયા પર થઈ ટ્રોલ
સિંગર સોના મહાપાત્રા આવી મંદિરા બેદીના સપોર્ટમાં
કપડાને લઈને યુઝર્સે મંદિરાને કરી હતી ટ્રોલ
મંદિરા બેદીના પતિ રાજ કૌશલનું નિધન થયા બાદ મંદિરા બેદીએ તેમના અંતિમસંસ્કારની બધી વિધી કરી હતી. જોકે તેના કારણે તે ઘણી ટ્રોલ થઈ રહી છે. અતિમ સંસ્કારમાં તેણે ટી-શર્ટ અને પેન્ટ પહેર્યા હતા. જે કારણોસર મંદિરા બેદીને હાલ સોશિયલ મીડિયા પર લોકો દ્વારા ટ્રોલ કરવામાં આવી રહી છે.
સોના મહાપાત્રાએ ટ્રોલર્સને જવાબ આપ્યો
જોકે તેને ટ્રોલ કરનારાઓને સિંગર સોના મહાપાત્રા દ્વારા બરાબરનો જવાબ આપવામાં આવ્યો છે. સોના મહાપાત્રાએ ટ્વીટ કરીને કહ્યું કે જે લોકો મંદિરાને આવા સમયે તેના કપડાને લઈને ટ્રોલ કરી રહ્યા છે. તે લોકોથી આપણાને ફરક ન પડવો જોઈએ. સાથેજ તેણે એવું પણ કીધુ કે દુનિયામાં કોઈ પણ બીજી વસ્તુની તુલનામાં મુર્ખતા સૌથી વધારે ભરેલી છે.
That some people are still commenting on Mandira Bedi’s dress code or choice to carry out her husband Raj Kushal’s last rites shouldn’t surprise us. Stupidity is more abundant than any other element in our world after all ..
જે રીતે સોના મહાપાત્રાએ મંદિરાનો સાથ આપ્યો છે. તે જોઈને લોકો પણ તેનો સાથ આપી રહ્યા છે. તેના વિચારો સાથે લોકો સહમત છે. ઉપરાંત જે લોકોએ મંદિરાને ટ્રોલ કરી હતી તે લોકોને બધા ખરીખોટી સંભળાવી રહ્યા છે.
મંદિરાને તેના મિત્રોનો સાથ
પતિના નિધન બાદ મંદિરા પૂરી રીતે તૂટી ગઈ છે. તે પોતોની જાતને સંભાળી શકે તે પણ ઘણું મુશ્કેલ છે. પરંતુ આવા ખરાબ સમયમાં મંદિરાના મિત્રો તેનો પૂરો સાથ આપી રહ્યા છે. રાજ કૌશલના નીધનને કારણે તેમના મિત્રો પણ દુ:ખમાં છે. તેઓ સોશિયલ મીડિયા દ્વારા રાજ કૌશલને શ્રદ્ધાંજલી આપી રહ્યા છે.
બે બાળકો દત્તક લીધા છે
ઉલ્લેખનીય છે કે રાજ કૌશલ વ્યવસાયે ડાયરેક્ટર અને પ્રોડ્યુસર હતા. તેઓ ખૂબજ ટૂંકા ગાળામાં એક વેબ સીરીઝ પર કામ શરૂ કરવાના હતા. પરંતુ તે પહેલાજ તેમનું નિધન થઈ ગયું. તેમના 2 બાળકો છે. તારા અને વીર જેમને ગત વર્ષેજ તેમણે દત્તક લીધા હતા.