VIDEO / વડોદરામાં પોલીસ સ્ટેશન સામે જ બબાલ, અસામાજિક તત્વોએ જાહેર માર્ગ પર કરી મારામારી

વડોદરામાં કાયદો વ્યવસ્થાને લઈને ફરી એક વખત પ્રશ્નચિહ્ન ઉભું થયું છે. શહેરના તાલુકા પોલીસ સ્ટેશનની સામે જ કેટલાક અસામાજિક તત્વોએ ખુલ્લેઆમ મારામારી કરી હતી. ઘટના દરમિયાન જાહેર માર્ગ પર વાહનોની અવરજવર ચાલુ હોવા છતાં શખ્સો એકબીજાને ઘુસ્સા અને લાતો મારી રહ્યા હતા.

પ્રત્યક્ષદર્શીઓ અનુસાર, એક શખ્સે અન્ય વ્યક્તિ પર હુમલો કર્યો, અને આજુબાજુ હાજર લોકોએ તેને રોકવાનો પ્રયત્ન કર્યો છતાં પણ તે સતત મારતો રહ્યો. આ સમગ્ર ઘટનાનો વીડિયો સોશિયલ મીડિયા પર વાયરલ થતા પોલીસે કાર્યવાહી અંગે ગંભીર સવાલો ઊભા થયા છે.

અહેવાલો અનુસાર, હુમલાખોર શખ્સ નશાની હાલતમાં હતો અને ઘટનાસ્થળ પોલીસ સ્ટેશનથી થોડા જ અંતરે હતું. છતાં પણ પોલીસને ઘટનાની ખબર નહોતી કે કોઈ તાત્કાલિક કાર્યવાહી થઈ નહોતી, જેને લઈ નાગરિકોમાં અસંતોષ ફેલાયો છે. સ્થાનિક લોકોનું કહેવું છે કે છેલ્લા કેટલાક સમયથી વડોદરામાં લુખ્ખા તત્વો નિર્ભય બની ગયા છે અને પોલીસની ગશ્ત તથા કાર્યવાહી માત્ર કાગળ પર જ સીમિત રહી ગઈ છે.

આ પણ વાંચોઃ સુરતમાં મસમોટા GST કૌભાંડનો પર્દાફાશ, ભંગારના ધંધાના નામે સામે આવી 19 કરોડની કરચોરી

વાયરલ થયેલા વીડિયોને આધારે હવે પોલીસ વિભાગ હરકતમાં આવ્યો છે અને ઘટનાની તપાસ શરૂ કરી છે. જોકે, નાગરિકો હવે કડક પગલાંની માંગ કરી રહ્યા છે જેથી આવનારા સમયમાં આવી ઘટનાઓ ફરી ન બને.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ