મહીસાગરમાં માતમ / આઠના કરૂણ મોત: લોહીલુહાણ બાળકને જોઈ લોકોના કાળજા કકળી ઉઠ્યા, હોસ્પિટલમાં સ્ટ્રેચરની લાઇન લાગી જતાં મચી અફરાતફરી

• મહીસાગરના લુણાવાડામાં ગોઝારો અકસ્માત 
• લગ્નની પાઘડી લઈને જતાં લોકોનો ટેમ્પો પલટી ખાઈ ગયો 
• હોસ્પિટલમાં સર્જાયા ભયજનક દ્રશ્યો 

Mahisagar Accident News: જ્યાં ઘટના બની તે રસ્તાઓ લોહીથી રંગાઈ ગયા, રસ્તા પરથી પસાર થઈ રહેલા લોકો મદદ માટે આગળ આવ્યા પણ નાજુક હૈયું ધરાવતા લોકો અકસ્માતનો ભોગ બનનારાઓની હાલત જોઈને પોતાના આંસુ રોકી શક્યા નહીં. પાંચ જેટલી ઍમ્બ્યુલન્સ પણ ઈજાગ્રસ્તોને લઈ જવા માટે ઓછી પડી, લોકોને તાત્કાલિક સારવાર મળે તે માટે જેમ બને તેમ બેથી ત્રણ હોસ્પિટલમાં રિફર કરવામાં આવ્યા. કરૂણ દુર્ઘટનામાં આઠ લોકોના મૃત્યુની પુષ્ટિ થઈ છે. 

રસ્તા પર ચારે તરફ લોકો તરફડિયાં મારી રહ્યા હતા, કેટલાક રડી રહ્યા હતા 
ટેમ્પોમાં સવાર ઘણા લોકો તો ભાનમાં જ નહોતા, કેટલાકના હાથ પગમાંથી લોહી બંધ નહોતું થતું તો કોઈ બેસુધ થઈને બેઠું હતું. અકસ્માતમાં જે બચી ગયા હતા એ પોતાના પ્રિયજનની હાલત થઈ હોશ ગુમાવી રહ્યા હતા. 

હોસ્પિટલમાં મચી ગઈ અફરાતફરી 
હોસ્પિટલમાં હૈયું ધ્રુજી ઉઠે તેવા દ્રશ્યો જોવા મળ્યા હતા, હોસ્પિટલની અંદર એક બાદ સ્ટ્રેચરની લાઇન લાગી ગઈ. લોકોના જીવ બચાવવા માટે મેડિકલ સ્ટાફમાં પણ અફરાતફરી મચી ગઈ, લોકોને તાત્કાલિક જે બેડ મળ્યો ત્યાં સુવડાવી સારવાર શરૂ કરવામાં આવી. એક પુરુષના હાથમાંથી હાડકું બહાર આવી ગયું હતું અને તેઓ દર્દના લીધે ચીસો પાડી રહ્યા હતા. એક જ ઍમ્બ્યુલન્સની અંદર એક કરતાં વધુ દર્દીઓને હોસ્પિટલ લાવવા પડ્યા, આટલું જ નહીં કેટલાક દર્દીઓને તો મીની ટ્રકમાં સુવડાવીને લાવવા પડ્યા હતા.  

હોસ્પિટલની અંદર સૌથી હૃદય દ્રાવક દ્રશ્ય: જ્યારે ઘાયલ થયેલા બાળકને સ્ટ્રેચર પર સુવડાવીને લઈ જવામાં આવી રહ્યો હતો ત્યારે જોનારા સૌના કાળજા કંપી ગયા, બાળકના માથા પર પાટો બાંધવામાં આવ્યો હતો અને તેના કપડાં પર માત્ર લોહી જ દેખાઈ રહ્યું હતું.