તેણે કહ્યું કે તેનો કોવિડ 19નો રિપોર્ટ પોઝિટિવ આવતા તેણે પોતાને આઇસોલેશનમાં રાખી દીધી છે. તેણે એમ પણ કહ્યું કે થોડા દિવસથી તેના નજીકના સંપર્કમાં આવેલા તમામ લોકોને તેણે માહિતગાર કરી દીધા છે. તેણે એમ પણ કહ્યું કે આ એક દુઃખદ વાત છે પણ તેને વિશ્વાસ છે કે ફરીથી સાજી થઇ જશે. તેણે લોકોને માસ્ક પહેરવા અને અન્ય કોવિડ ગાઈડલાઇન્સનું પાલન કરવા અપીલ કરી હતી. તેણે ઉમેર્યું હતું કે તે લોકોની દુઆઓ ઈચ્છે છે અને આ આઇસોલેશન દરમિયાન કયા મુવીઝ જોવા તેના સજેશન માંગે છે.
નોંધનીય છે કે 35 વર્ષીય માહિરા ખાન શાહરુખ ખાનની 2017ની ફિલ્મ રઇસમાં તેની સહઅભિનેત્રી રહી ચુકી છે. પાકિસ્તાનમાં તે હમસફર અને સદકે તુમ્હારે જેવા શો અને બોલ અને બિન રોયે જેવી ફિલ્મો પણ કરી ચુકી છે.