પશ્ચિમ બંગાળના બર્ધમાન જિલ્લામાં એક ગરીબ ડ્રાઇવરનું નશીબ ખુલી ગયું અને તે એક જ ઝાટકે કરોડપતિ બની ગયો. તેની 60 રૂપિયાની લૉટરીએ તેને કરોડપતિ બનાવી દીધો.
પ.બંગાળમાં ગરીબ ડ્રાઇવર કરોડપતિ બની ગયો
60 રૂપિયાની લૉટરીએ તેને કરોડપતિ બનાવી દીધો
વાહન ચલાવતો ડ્રાઇવર 7000 રૂપિયાના પગારમાં ઘર ચલાવે છે
નોંધનીય છે કે, ડ્રાઇવરનું કામ કરતા વર્ધમાન જિલ્લાના રૂપેશ એક અનાજની દુકાનની ગાડી ચલાવે છે. રૂપેશ મંગળવારે સાંજે કુલ 60 રૂપિયાથી લૉટરીના 87A 12782 અને 87A 12783ની બે સીરિઝની ટિકિટ ખરીદી.
મંગળવારે રાત્રે જ તેને જાણકારી મળી કે તેને 87A-12782 નંબરની લૉટરી પર એક કરોડ રૂપિયા મળ્યા છે. ત્યારબાદ રૂપેશની ખુશીનો કોઇ પાર ન રહ્યો.
વાહન ચલાવતા રૂપેશને દર મહીને 7000 રૂપિયા મળે છે. તેના દ્વારા રૂપેશ ઘરનો ખર્ચો ચલાવે છે. તેના પરિવારમાં માતા-પિતા, પત્ની અને પુત્રી સિવાય એક ભાઇ છે, તે પણ વાહન ચાલક છે.
રૂપેશનું કહેવું છે કે, લૉટરીથી જેટલા પૈસા મળ્યા છે, હવે તેના પરિવાર માટે જમીન ખરીદશે અને તેના પર ઘર બનાવશે. રૂપેશનું સપનું છે કે તે પોતાન ખુદની ગાડી પણ ખરીદશે.