કેન્દ્રનો નિર્ણય / હોંશિયારની મહેનત લેખે ! પેપર ફોડનારા જ ફૂટી જશે, જાણો પેપર લીક વિરોધી કાયદા વિશે

• મોદી સરકારે સ્કૂલ-નોકરીની પરીક્ષા આપનાર ઉમેદવારોનું હિત સાચવ્યું 
• લોકસભામાં પાસ કરાવ્યું પેપર લીક વિરોધી બીલ 
• સ્કૂલ કે સ્પર્ધાત્મક પરીક્ષાનું પેપર લીક કરનાર માટે કડક નિયમો 
• 10 વર્ષની સજા અને 1 કરોડનો દંડ થશે 

સ્કૂલ અને સ્પર્ધાત્મક પરીક્ષાઓ આપી રહેલા હોંશિયાર વિદ્યાર્થીઓને સુરક્ષિત કરતું એક મોટું પગલું મોદી સરકારે ભર્યું છે. કેન્દ્રની મોદી સરકાર હોંશિયાર વિદ્યાર્થીઓ માટે ઢાલ બની છે. મંગળવારે મોદી સરકારે લોકસભામાં એન્ટી ચીટિંગ બીલ (પેપર લીક વિરોધી બીલ) પાસ કરાવીને હોઁશિયાર વિદ્યાર્થીઓને પ્રોટેક્ટ કરવાનું કામ કર્યું છે. આ બીલમાં અતિ કડક જોગવાઈઓ કરવામાં આવી છે. 

મહત્વના મુદ્દા 
(1) ગુનો- પેપર લીક કરવા, આન્સર શીટ સાથે ચેડા કરવાં, ફેક વેબસાઈટ બનાવવી અને બીજું ઘણું બધું
(2) કવર કરવામાં આવેલી પરીક્ષાઓ- UPSC, SSC, RRB અને બીજી પરીક્ષાઓ 
(3) સજા-10 વર્ષ સુધી સજા, 1 કરોડનો દંડ અને સર્વિસ પ્રોવાઈડર્સને પણ સજા 

એન્ટી પેપર લીક બીલની 13 મોટી જોગવાઈઓ 
1. પ્રશ્નપત્ર અથવા આન્સર કી લીક થાય તો
2. પ્રશ્નપત્ર લીક કરવા માટે બીજાઓ સાથે ભાગીદારી કરવી 
3. પ્રશ્નપત્ર અથવા ઓપ્ટિકલ માર્ક રેકગ્નિશન (ઓએમઆર) રિસ્પોન્સ શીટને એક્સેસ કરવી અથવા તેનો કબજો લેવો
4. જાહેર પરીક્ષા દરમિયાન કોઈ પણ અનધિકૃત વ્યક્તિ દ્વારા એક અથવા વધુ પ્રશ્નોનો ઉકેલ પૂરો પાડવો 
5. જાહેર પરીક્ષામાં ઉમેદવારને કોઈપણ રીતે બિનઅધિકૃત રીતે કોઈ પણ રીતે પ્રત્યક્ષ કે પરોક્ષ રીતે સહાય કરવી 
6. ઓએમઆર રિસ્પોન્સ શીટ્સ સહિત ઉત્તરવહીઓ સાથે ચેડાં કરવા
7. કોઈ પણ સત્તા વિના વાસ્તવિક ભૂલ સુધારવા સિવાય આકારણીમાં ફેરફાર કરવો 
8. કેન્દ્ર સરકાર દ્વારા જાહેર પરીક્ષા લેવા માટે અથવા તેની એજન્સી દ્વારા સ્થાપિત ધોરણો અથવા ધોરણોનું ઈરાદાપૂર્વક ઉલ્લંઘન. 
9. ઉમેદવારોની શોર્ટ-લિસ્ટિંગ અથવા જાહેર પરીક્ષામાં ઉમેદવારની યોગ્યતા અથવા રેન્કને અંતિમ સ્વરૂપ આપવા માટે જરૂરી કોઈપણ દસ્તાવેજ સાથે ચેડાં 
10. જાહેર પરીક્ષામાં ખોટું કરવું. કમ્પ્યુટર નેટવર્ક અથવા કમ્પ્યુટર રિસોર્સ અથવા કમ્પ્યુટર સિસ્ટમનો ઉપયોગ 
11. બેઠક વ્યવસ્થામાં હેરાફેરી, ઉમેદવારો માટે તારીખો અને શિફ્ટની ફાળવણીમાં ગોટાળા 
12. છેતરપિંડી કરવા માટે અથવા નાણાકીય લાભ માટે બનાવટી વેબસાઇટ બનાવવી
13. બનાવટી પરીક્ષા યોજવી, બનાવટી એડમિટ કાર્ડ જારી કરવા અથવા છેતરપિંડી કરવા અથવા નાણાકીય લાભ માટે પત્રો ઓફર કરવા.

કાયદા દ્વારા આવરી લેવાયેલી પરીક્ષાઓ
યુનિયન પબ્લિક સર્વિસ કમિશન (યુપીએસસી), સ્ટાફ સિલેક્શન કમિશન (એસએસસી), રેલવે રિક્રૂટમેન્ટ બોર્ડ્સ (આરઆરબી), ઇન્સ્ટિટ્યૂટ ઓફ બેંકિંગ પર્સોનલ સિલેક્શન, મંત્રાલયો અથવા કેન્દ્ર સરકારના વિભાગો અને તેમની સંલગ્ન અને ગૌણ કચેરીઓ દ્વારા કર્મચારીઓની ભરતી માટે તેમની સંલગ્ન અને ગૌણ કચેરીઓ દ્વારા લેવામાં આવતી કોઈપણ પરીક્ષા, કેન્દ્ર સરકાર દ્વારા સૂચિત કરવામાં આવી શકે છે, તે આ છેતરપિંડી વિરોધી બિલ હેઠળ આવરી લેવામાં આવશે.

શું બોલ્યાં કેન્દ્રીય શિક્ષણ મંત્રી

કેન્દ્રીય શિક્ષણ મંત્રી રાજુકામર રંજન સિંહે કહ્યું કે આ બીલથી હોંશિયાર વિદ્યાર્થીઓનું હિત સચવાઈ જશે. જે ઉમેદવારો કે વિદ્યાર્થીઓ હાઈ સ્કોર લાવે છે તેઓ સુરક્ષિત બની જશે. 

બીલની મહત્વની જોગવાઈઓ
જે લોકો કે સર્વિસ પ્રોવાઈડર્સ જાણી જોઈને પેપર લીક કરે છે તેમની તત્કાળ ધરપકડ થઈ શકશે અને તેમને જામીન પણ નહીં મળે.