જાણવા જેવુ / શું તમે જાણો છો, PNG-LPG વચ્ચેનો તફાવત? જાણો રસોઇ માટે કયું વધારે ફાયદાકારક?

શહેર હોય કે ગામડું હોય આજકાલ દરેક ઘરના રસોડામાં ગેસ સિલિન્ડર જોવા મળે છે. સામાન્ય રીતે ગામડામાં LPG સિલિન્ડરનો ઉપયોગ થાય છે. પરંતુ શહેરોમાં એલપીજી સાથે સાથે પીએનજી ગેસનો પણ ઘણો ઉપયોગ થતો થયો છે.

હવે સવાલ એ છે કે કઈ ગેસ સારી છે? LPG સિલિન્ડર કે પછી PNG? બંનેમાં રસોઈ તો સરળતાથી જ થઈ જાય છે. પરંતુ કિંમત, સુવિધા અને સુરક્ષામાં મોટો તફાવત છે. જો તમે જાણવા માંગો છો કે તમારા કિચન માટે કઈ ગેસ યોગ્ય રહેશે, તો ચાલો વિગતવાર સમજીએ.

પીએનજી શું છે?

PNG એટલે કે પાઇપ્ડ નેચરલ ગેસ. તે સીધી પાઇપ દ્વારા તમારા ઘરમાં પહોંચે છે. તેમાં સિલિન્ડર લાવવા કે લઈ જવાની તકલીફ નથી. તમારૂ બિલ તમારા ઉપયોગ મુજબ આવે છે.

એલપીજી શું છે?

LPG એટલે કે લિક્વિફાઇડ પેટ્રોલિયમ ગેસ. આ તમને સિલિન્ડરના સ્વરૂપમાં મળે છે. જેનું તમારે દર મહિને બુકિંગ કરવું પડે છે. ગેસ પૂરી થઈ જાય તો નવો સિલિન્ડર મંગાવવો પડે છે.

બંનેમાં તફાવત શું છે?

આ બંને ગેસમાં મુખ્ય ચાર તફાવતો છે:

• PNG હવાથી હળવી હોય છે, તેથી લીક થવા પર ઝડપથી ફેલાઈ જાય છે અને જોખમ ઓછું રહે છે. LPG ભારે હોય છે, એટલે લીક થવા પર નીચે જમા થઈ જાય છે અને અકસ્માતનું જોખમ વધારે રહે છે.
• PNG પાઇપલાઇનથી સતત સપ્લાય આપે છે. સિલિન્ડર પૂરો થવાની ચિંતા રહેતી નથી. LPGમાં દર વખત બુકિંગ કરવી અને સિલિન્ડર ઉપાડવાની તકલીફ રહે છે.
• PNGમાં એડવાન્સ પેમેન્ટ કરવાની જરૂર નથી. જેટલો ઉપયોગ, એટલું બિલ આવે છે. LPGમાં આખા સિલિન્ડરની કિંમત એકસાથે ચૂકવવી પડે છે.
• PNG મોટાભાગના કેસમાં સસ્તી પડે છે, કારણ કે બિલ ઉપયોગ મુજબ આવે છે. જ્યારે LPGની કિંમત સરકાર નક્કી કરે છે અને સમયાંતરે બદલાય છે.

તમારી રસોઈ માટે શું યોગ્ય?

જો તમારા વિસ્તારમાં PNGની પાઇપલાઇન ઉપલબ્ધ છે તો આ વધુ સરળ, સુરક્ષિત અને સસ્તું છે. દર મહિને થોડું-થોડું પેમેન્ટ કરવાથી ખિસ્સા પર પણ ભાર પડતો નથી. જ્યારે PNGની સુવિધા ઉપલબ્ધ ન હોય, ત્યારે LPG વધુ યોગ્ય છે.

બંનેના ખર્ચની ગણતરી

ગુજરાતમાં 8–10 SCM માસિક PNG ઉપયોગ માટે કેટલો ખર્ચ આવી શકે તેની ગણતરી:

• માસિક PNG ઉપયોગ 8 SCM : અંદાજિત ખર્ચ 395.28 રૂપિયા
• માસિક PNG ઉપયોગ 10 SCM : અંદાજિત ખર્ચ 494.10 રૂપિયા

આ પ્રમાણે તમારૂ મંથલી બિલ અંદાજે 400 થી 500 રૂપિયા વચ્ચે આવી શકે છે. જ્યારે એલપીજી સિલિન્ડર 1000 થી 1200 રૂપિયામાં મળે છે.

વધુ વાંચો: આત્મહત્યા કરતા પહેલા વ્યક્તિ શું વિચારે છે? AIIMSના રિસર્ચમાં ખુલાસા

જો PNGની સુવિધા તમારા વિસ્તારમાં ઉપલબ્ધ હોય તો તે સસ્તી, અનુકૂળ અને સુરક્ષિત પસંદગી છે. પરંતુ જ્યાં PNG પાઇપલાઇન નથી, ત્યાં LPG સિલિન્ડર જ એક વિકલ્પ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ