મોટી દુર્ઘટના / વડોદરા-હાલોલ રોડ પરની કંપનીમાં ભીષણ આગ, ગેસની બોટલો પણ ફાટી, ફાયર બ્રિગેડે જાહેર કર્યો મેજર કોલ

• વડોદરા-હાલોલ રોડ પર આવેલી કંપનીમાં લાગી ભીષણ આગ 
• હાઇટેન્શન લાઇન તૂટતાં આગ લાગી
• આગના કારણે ગેસના બોટલો પણ ફાટ્યા
• વડોદરા ફાયર બ્રિગેડએ મેજર કોલ જાહેર કર્યો

વડોદરા-હાલોલ રોડ પરની ક્રિષ્ના આશ્રય ફાર્મા કંપનીમાં મોટી આગ લાગવાની ઘટના બની છે. કંપનીમાં ભીષણ આગ લાગતાં દૂર દૂર સુધી ધુમાડાના ગોટે ગોટા જોવા મળ્યા છે. ઘટનાના પગલે વડોદરા ફાયર બ્રિગેડએ મેજર કોલ જાહેર કર્યો છે. 10થી વધુ ફાયર બ્રિગેડની ગાડીઓ ઘટના સ્થળે પહોંચી ચૂકી છે.

5 કિલોમીટર દૂર ધડાકાનો અવાજ સંભળાયો
આગના કારણે વડોદરા-હાલોલ રોડ પર ભારે ટ્રાફિક જામ થયો છે. આગ લાગતાં પોલીસ પણ સ્થળ પર પહોંચી ચૂકી છે. હાઇટેન્શન લાઇન તૂટતાં આગ લાગી છે. આગના કારણે ગેસના બોટલો પણ ફાટ્યા છે. 5 કિલોમીટર દૂર ધડાકાનો અવાજ સંભળાયો હતો. વાહનચાલકોને 1 કિલોમીટર દૂર જ રોકવામાં આવ્યા છે.