ગુજરાત વિધાનસભા ચૂંટણી 2022ના પ્રથમ તબક્કામાં આજે રાજ્યના 19 જિલ્લાની 89 બેઠકો પર મતદાન થઈ રહ્યું છે. એવામાં આપણે વાત કરીએ એવા મતદાન મથકની જ્યાં સૌથી પહેલા 100% મતદાન થાય છે.
ગુજરાતમાં આ જગ્યા પર છે અનોખુ મતદાન કેન્દ્ર
અહીં સૌથી પહેલા થાય છે 100 ટકા મતદાન
જાણો તેના વિશે વિગતે
આજે ગુજરાતમાં પ્રથમ તબક્કાનું મતદાન થઈ રહ્યું છે. સૌરાષ્ટ્ર-કચ્છ અને દક્ષિણ ગુજરાતના 19 જિલ્લાની 89 બેઠકો પર કુલ 788 ઉમેદવારો મેદાનમાં છે. એવામાં આજે આપણે એક એવા મતદાન મથકની વાત કરીશું જ્યાં સૌથી પહેલા 100% મતદાન થાય છે. આ મતદાન મથક જંગલની વચ્ચે છે.
15 વ્યક્તિનો સ્ટાફ ઉભુ કરે છે ઈલેક્શન બુથ
અમે વાત કરી રહ્યા છીએ ગીર સોમનાથ જિલ્લાના વનવોટર બૂથની, જ્યાં સંત હરિદાસ બાપુએ મતદાન કર્યું છે. આ એક માત્ર મતદાન કેન્દ્ર છે જ્યાં એક વ્યક્તિના મતદાન માટે 15 વ્યક્તિ જેટલો ઈલેક્શનનો સ્ટાફ બુથ ઉભુ કરે છે. ગીરના જંગલની મધ્યમાં આવેલા આ બાણેજા આશ્રમના મહંત હરિદાસ બાપુ ત્યાં આવીને અચૂક મતદાન કરે છે.
હરિદાસ બાપુએ કર્યું મતદાન
હરિદાસ બાપુ એકમાત્ર વોટર હોવાના કારણે તેમનો વોટ ગુપ્ત રહેતો નથી એ વાત પણ રસપ્રદ છે. એટલું જ નહીં આ સ્ટાફના રહેવા જમવાની સુવિધા પણ હરિદાસ બાપુ કરે છે. એકમાત્ર વોટર હોવાના કારણે અહીં સૌથી પહેલા 100 ટકા મતદાન પૂર્ણ કરનાર બૂથ બાણેજનું રહે છે.