સિદ્ધી / નાના ટેસ્ટ કરિયરમાં રાહુલનો મોટો કમાલ, ધ્વસ્ત કર્યો 31 વર્ષ જૂનો રેકૉર્ડ

• લોર્ડસમાં રમાતી બીજી ટેસ્ટમાં કેએલ રાહુલનો આક્રમક દેખાવ
• રાહુલે સદી ફટકારી પૂર્વ ઓપનર વિરેન્દ્ર સહેવાગના રેકોર્ડની કરી સરખામણી
• સહેવાગના નામે ઓપનર તરીકે એશિયા બહાર 4 સદીનો રેકોર્ડ

રાહુલ એશિયા બહાર સૌથી વધારે સદી ફટકારનારો ખેલાડી
કેએલ રાહુલે અત્યાર સુધી એક છગ્ગો અને 17 ચોગ્ગા ફટકાર્યા છે. ભારતીય ટીમે ગુરૂવારે 276 રન બનાવી ત્રણ વિકેટનું નુકસાન સહન કર્યુ છે. ઈંગ્લેન્ડ સામે ચાલી રહેલી બીજી ટેસ્ટ મેચમાં કેએલ રાહુલે સદી ફટકારી એક મોટો રેકોર્ડ પોતાના નામે કર્યો છે. ઓપનર તરીકે કેએલ રાહુલ એશિયાની બહાર સૌથી વધારે સદી ફટકારવા મામલે સહેવાગની સરખામણીએ પહોંચી ગયો છે. સહેવાગે ઓપનર તરીકે પોતાની ટેસ્ટ કારકિર્દીમાં એશિયા બહાર 4 સદીનો રેકોર્ડ બનાવ્યો છે.

હવે રાહુલે પણ એશિયા બહાર 4 સદી બનાવી ઓપનર તરીકે સહેવાગના રેકોર્ડની સરખામણી કરી લીધી છે. રાહુલે આ સંદર્ભે રવિ શાસ્ત્રીને પણ પાછળ ધકેલી દીધા છે. શાસ્ત્રીના નામે ઓપનર તરીકે એશિયાની બહાર 2 સદી બનાવવાનો રેકોર્ડ છે. રાહુલ અને સહેવાગની આગળ સુનીલ ગાવસ્કર છે, જેમણે એશિયાની બહાર ઓપનર તરીકે 15 સદી બનાવી છે.

રાહુલે ધ્વસ્ત કર્યો 31 વર્ષ જૂનો રેકોર્ડ
રાહુલ લોર્ડસમાં 31 વર્ષ જૂના ભૂતકાળને સમાપ્ત કરી આ ઐતિહાસિક મેદાન પર 1990 બાદ સદી બનાવનારો પ્રથમ ભારતીય ઓપનર બન્યો. રાહુલ પહેલાં પૂર્વ ભારતીય ઓપનર વીનૂ માકંડે વર્ષ 1952માં લોર્ડસમાં સદી ફટકારી હતી. ત્યારબાદ ભારતના કોચ રવિ શાસ્ત્રીએ વર્ષ 1990માં લોર્ડસમાં સદી બનાવી હતી.