કાર્તિક આર્યન ઓન-સ્ક્રીન પર જેટલી મસ્તી કરતાં દેખાય છે, તે વાસ્તવિક જીવનમાં પણ વધારે મનોરંજક વ્યક્તિ છે. કો-સ્ટાર્સની સાથે ઓફ-સ્ક્રીન દરમિયાન પણ તેમની મસ્તી બધાને હસાવે છે. તાજેતરમાં જ તેમની ફિલ્મ પતિ, પત્ની ઔર વોનો એક રમુજી વિડીયો શેર કર્યો છે. આ વિડીયોમાં કાર્તિક તેની કો-એક્ટર્સ ભૂમિ પેડનેકર અને અનન્યા પાંડેની વિગ નીકાળતાં જોવા મળી રહ્યા છે.
વિડીયોમાં કાર્તિક તેની કો-એક્ટર્સ ભૂમિ પેડનેકર અને અનન્યા પાંડેની વિગ નીકાળતા જોવા મળી રહ્યા છે
કાર્તિકની ફિલ્મ પતિ, પત્ની ઔર વો બોક્સ ઓફીસ પર હીટ સાબિત થઇ છે
કાર્તિકે તેના ઈન્સ્ટાગ્રામ એકાઉન્ટ પર પતિ, પત્ની ઔર વો ફિલ્મનો BTS વિડીયો શેર કર્યો છે. આ વિડીયોમાં કાર્તિક, ભૂમિ અને અનન્યા અંખીયો સે ગોલી મારે ગીતનું શુટિંગ કરી રહ્યાં હતા. પ્રોપર ગેટઅપ અને ક્રુ ની સામે ઉભા રહીને ડાન્સ શરુ કરે છે, તો સૌથી પહેલા તે ભૂમિ અને અનન્યા વાળ પર હાથ ફેરવે છે અને બનેના વાળમાંથી વિગ નીકળતાં નજરે આવી રહ્યા છે. ગીતનું આ ફની સિક્વન્સ ચાહકોને પણ પસંદ આવી રહ્યું છે.
કાર્તિકે આ વિડીયો શેર કરતાં મજાકિયા અંદાજમાં કેપ્શન પણ લખ્યું છે. તેણે લખ્યું. 'તેરે લંબે લંબે કાલે કાલે, નાગિન સે બાલ રે.' તાજેતરમાં જ કાર્તિકે આવો જ એક ફની વિડીયો શેર કર્યો હતો. વિડીયોમાં તે ભોજપુરી ગીત રીન્કીયા કે પાપા પર અલગ અલગ શોટ્સમાં હસતા નજર આવી રહ્યા છે.જણાવી દઈએ કે કાર્તિકની મુવી પતિ, પત્ની ઔર વો બોક્સ ઓફીસ પર હીટ સાબિત થઇ છે. આ રોમાન્ટિક કોમેડી એ ૩ સપ્તાહમાં લગભગ ૮૦ કરોડનું બોક્સ ઓફીસ કલેક્શન કરી લીધું હતું.
કાર્તિકની અપકમિંગ મુવીમાં ઈમ્તિયાજ અલીની ફિલ્મ પણ શામિલ છે. આ મુવીમાં તે સારા અલી ખાનની સાથે કામ કરી રહ્યાં છે. આ મુવી લવ આજ કલનું સિકવલ છે. આ સિવાય કાર્તિકની આગામી ફિલ્મોમાં ભુલ ભુલૈયા 2 અને દોસ્તાના 2 પણ છે.