અચ્છા સિલા દિયા તુને મેરે પ્યાર કા / દેવું લઈને નર્સ બનાવી, નોકરી મળતા જ પત્નીએ છોડ્યો પતિનો સાથ, કહ્યું- પ્રોપર્ટી, દીકરા અને મને ભૂલી જજે

• જ્યોતિ મૌર્યા જેવો બીજો મામલો આવ્યો સામે
• પતિએ દેવું કરીને પત્નીને ભણાવી હતી
• પત્નીએ પતિને કહ્યું કે 'જમીન, બાળક અને મને ભૂલી જાઓ. '

દેશમાં જ્યોતિ મૌર્યાના મામલા બાદ વધુ એક આવો જ મામલો ઝારખંડથી સામે આવ્યો છે. સાહિબગંજ જિલ્લાનાં બોરિયોમાં એક પતિ પોતાની પત્નીને શોધવા માટે ઠેર-ઠેર ભટકી રહ્યો હતો. પીડિત પતિએ પોલીસને ફરિયાદ કરતાં કહ્યું કે તેણે ઉધાર લઈને પોતાની પત્નીને ભણાવ્યું હતું અને ANM Auxiliary Nurse Midwife એટલે કે નર્સ બનાવી હતી અને હવે પત્ની તેને દગો આપીને પુત્ર સહિત 14 એપ્રિલએ ભાગી ગઈ છે. જો કે ગુરુવારે પતિએ સાહિબગંજ પોલીસ સ્ટેશનમાં પત્નીની વાપસીની માહિતી SDPO રાજેન્દ્ર દુબેને આપી હતી.

ઉધાર લઈ નર્સ બનાવી
પતિ કંહાઈ પંડિતે જણાવ્યું કે તેણે વર્ષ 2009માં બોરિયોનાં ટોલા ગામની રાજકિશોરની પુત્રી કલ્પના કુમારી સાથે લગ્ન કર્યાં હતાં. તેમને 10 વર્ષનો પુત્ર પણ છે. તે વધુ ભણલો નથી. પરંતુ લગ્ન સમયે કલ્પનાએ મેટ્રિક પાસ કરેલું હતું અને ઘરની આર્થિક સ્થિતિ સુધારવા માટે તેણે ભણવાનું ફરી શરૂ કર્યું હતું. પતિએ પત્ની કલ્પનાનું ભણતર બોરિયો કોલેજથી પૂર્ણ કરાવ્યું અને નર્સ બનાવી. આ પાછળ તેનું દેવું ઘણું વધી ગયું. તે સમયે પત્નીનાં કહેવા પર તેઓ કમાણી કરવા ગુજરાત જતાં રહ્યાં.

પત્નીએ કહ્યું હવે તે તેની સાથે રહેવા નથી ઈચ્છતી
પત્ની કલ્પના સાહિબગંજની ઝૂમાવતી હોસ્પિટલમાં MNMની નોકરી કરી રહી હતી. પરંતુ જ્યારે હોળી પહેલા તે બાંઝી સ્થિત પોતાના ઘરે આવ્યાં ત્યારે પત્નીએ તેને કહ્યું કે હવે તે તેની સાથે નથી રહેવા ઈચ્છતી. ત્યારે હું પત્નીને લઈને સાસરે ગયો અને સાસુ-સસરાને આ વાતની જાણકારી આપી. ત્યારે સમજાવીને તેને પાછા લઈ આવ્યો.

Another #JyotiMaurya found in Jharkhand.

For seven years, the husband made his wife a nurse after being educated.

Spent lakhs of rupees.
He himself got into debt and started working hard day and night to repay that debt.

But in the end, the wife refused to live with her… pic.twitter.com/7laivBR23r

— ShoneeKapoor (@ShoneeKapoor) July 7, 2023

14 એપ્રિલનાં પુત્ર સહિત ભાગી ગઈ
તેમણે આગળ કહ્યું કે 14 એપ્રિલનાં પત્ની પિયર જવાની વાત કહીને ઘરેથી નિકળી હતી અને પછી પુત્ર સહિત ગુમ થઈ ગઈ. તેણે પોતાની પત્ની અને બાળકને શોધવાનાં ઘણાં પ્રયાસો કર્યાં પરંતુ કંઈ માહિતી મળી નહીં. મને વિશ્વાસ છે કે પત્ની કલ્પના મને દગો દઈને પોતાના પ્રેમી સાથે રહે છે.

મહિલાએ કહ્યું-હવે મને ભૂલી જાઓ
જ્યારે પતિએ પત્નીને ઝઘડવાનું કારણ પૂછ્યું ત્યારે પત્નીએ કહ્યું કે હવે તે તેની સાથે રહેવા નથી ઈચ્છતી. તેણે કહ્યું કે જમીન, બાળક અને મને ભૂલી જાઓ. કલ્પનાએ કહ્યું કે તેના બાદ જમીન બાળકની રહેશે.