જો તમે એલપીજી ગેસ કનેક્શન લેવા માંગતા હોવ તો તમારી પાસે મોટી તક છે. ઈન્ડિયન ઓઇલ કોર્પોરેશન લિમિટેડ (IOCL) ગેસ કંપની ઇન્ડેનએ ગ્રાહકો માટે મોટી સુવિધા જાહેર કરી છે. ચાલો જાણીએ.
એલપીજી ગેસ કનેક્શન લેવા માંગતા લોકો માટે ખાસ સમાચાર
ગેસ કંપની ઇન્ડેનએ ગ્રાહકોને આપી મોટી સુવિધા
હવે કોઈપણ ગ્રાહક માત્ર આધાર કાર્ડ બતાવીને તરત જ LPG કનેક્શન લઈ શકે છે
હવે કોઈપણ ગ્રાહક માત્ર આધાર કાર્ડ બતાવીને તરત જ LPG કનેક્શન લઈ શકે છે. ઇન્ડિયન ઓઇલએ તેના સત્તાવાર ટ્વિટર હેન્ડલ દ્વારા આ માહિતી આપી છે. તમને જણાવી દઈએ કે ગેસ કનેક્શન માટે આધારની વિગતો સિવાય અન્ય કોઈ દસ્તાવેજ આપવાની જરૂર રહેશે નહીં.
Need a new #Indane connection right now? Just show your #AadhaarCard and get an #LPG connection instantly!
What’s more… you can even convert it to a subsidised connection once you provide the address proof! pic.twitter.com/Hsgo9xQ5ny
ઈન્ડિયન ઓઈલે ટ્વિટમાં કહ્યું છે કે જો કોઈ વ્યક્તિ નવું એલપીજી કનેક્શન લેવા ઈચ્છે છે તો તે પોતાનો આધાર બતાવીને લઈ શકે છે. તેને શરૂઆતમાં બિનસબ્સિડી એલપીજી કનેક્શન આપવામાં આવશે. ગ્રાહક બાદમાં એડ્રેસ પ્રૂફ સબમિટ કરી શકે છે અને પછી તેને સિલેન્ડર પર સબ્સિડીનો લાભ મળવા લાગશે અને જો તેની પાસે એડ્રેસ પ્રૂફ નથી તો તે આધાર નંબર દ્વારા આ સુવિધાનો હકદાર બનશે.
આ સ્કીમ તમામ પ્રકારના સિલિન્ડર પર લાગુ થશે
તમને જણાવી દઈએ કે આધારથી કનેક્શન લેવાની આ યોજના તમામ પ્રકારના સિલિન્ડર પર લાગુ થશે. જોકે, આમાં કોમર્શિયલ સિલિન્ડરોનો સમાવેશ કરવામાં આવ્યો નથી. આ યોજના 14.2 કિલો, 5 કિલોના સિંગલ, ડબલ અથવા મિક્સ્ડ સિલિન્ડર કનેક્શન માટે છે. એ જ નિયમ FTL અથવા ફ્રી ટ્રેડ LPG સિલિન્ડર માટે પણ લાગુ પડે છે.
જાણો LPG ગેસ કનેક્શન કેવી રીતે મળશે
સૌથી પહેલા તમારે તમારી નજીકની ગેસ એજન્સીમાં જવું પડશે.
પછી તમારે LPG કનેક્શનનું ફોર્મ ભરવું પડશે.
ફોર્મમાં તમારે આધારની વિગતો આપવી પડશે, સાથે જ આધારની એક કોપી પણ અટેચ કરવી પડશે.
ફોર્મમાં તમારા ઘરનો એડ્રેસ સેલ્ફ ડિક્લેરેશન સાથે જમા કરો.
આ પછી તમને તરત જ એલપીજી કનેક્શન આપવામાં આવશે.
જોકે, આ કનેક્શનની સાથે તમને સરકારી સબસિડીનો લાભ નહીં મળે.
તમારે સિલિન્ડરની સંપૂર્ણ કિંમત ચૂકવવી પડશે.
જ્યારે તમારું એડ્રેસ પ્રૂફ તૈયાર થઈ જાય, તો તેને ગેસ એજન્સીમાં જમા કરો.
આ પ્રૂફ વેરિફાય થઈ જાય પછી ગેસ એજન્સી તમારા ડોક્યૂમેન્ટ્સ કનેક્શનમાં માન્ય કરી લેશે.
આ પછી તમારું સબ્સિડી કનેક્શન સબસિડીવાળા કનેક્શનમાં રૂપાંતરિત થશે. જોકે, સિલિન્ડર લેતી વખતે તમારે આખી રકમ જમા કરાવવી પડશે અને બાદમાં સરકાર દ્વારા તમારા બેંક ખાતામાં સબસિડી જમા કરવામાં આવશે.