જેમ્સ એન્ડરસન સૌથી વધુ ટેસ્ટ રમવા મામલે સચિન તેંડુલકર બાદ બીજા નંબરે છે. એટલેકે તેઓ માસ્ટર બ્લાસ્ટરથી માત્ર 21 ટેસ્ટ પાછળ છે.
જેમ્સ એન્ડરસન સૌથી વધુ ટેસ્ટ રમવા મામલે બીજા નંબરે
સચિન તેંડુલકર બાદ બીજા નંબરે
આગામી 22 મહિનામાં સચિન તેંડુલકરના રેકોર્ડને તોડી પણ શકે
આ વિદેશી ખેલાડી સચિન તેંડુલકરના રેકોર્ડને તોડી શકે
સચિન તેંડુલકરનુ નિવેદન તો તમને યાદ જ હશે. જે તેમણે પોતાની 100મી સદી ફટકાર્યા બાદ આપ્યું હતુ. ભરી સભામાં જ્યારે સચિન તેંડુલકરને સવાલ થયો હતો કે શું લાગે છે તેમનો રેકોર્ડ કોણ તોડી શકશે? જેના પર માસ્ટર બ્લાસ્ટરે કહ્યું હતુ કે તેમને કોઈ ચિંતા નથી જો કોઈ ભારતીય તેમનો રેકોર્ડ તોડે છે. હવે કોઈ ભારતીય તો નહીં, પરંતુ હા એક વિદેશી ખેલાડી તેમના મહારેકોર્ડને તોડવાની નજીક પહોંચી ગયો છે. આગામી 22 મહિનામાં સચિન તેંડુલકરના રેકોર્ડને તોડી પણ શકે છે.
આખરે કોણ છે આ ખેલાડી?
તમે વિચારી રહ્યાં હશો કે આખરે કોણ છે આ ખેલાડી? અને સચિનનો કયો રેકોર્ડ તોડવાનો છે? મહત્વનું છે કે આ એ રેકોર્ડ નથી જે સચિને 100 સદી ફટકારીને બનાવ્યો છે. પરંતુ સચિનનો જે મહારેકોર્ડ તૂટી શકે છે, તે તેમના ટેસ્ટ મેચની સંખ્યાનો છે. સચિન તેંડુલકર 200 ટેસ્ટ મેચ રમનારા હાલ એકમાત્ર ખેલાડી છે, પરંતુ જેમ્સ એન્ડરસન આ રેકોર્ડને તોડવાથી વધુ દૂર નથી.
સચિનથી 21 ટેસ્ટ દૂર એન્ડરસન
40 વર્ષના ઈંગ્લેન્ડના ફાસ્ટ બોલર જેમ્સ એન્ડરસને અત્યાર સુધી 179 ટેસ્ટ મેચ રમી છે. જો કે, તેઓ સૌથી વધુ ટેસ્ટ રમવા મામલે સચિન બાદ બીજા નંબરે છે. એટલેકે સચિન તેંડુલકરથી માત્ર 21 ટેસ્ટ પાછળ છે અને જે રીતે તેમની હાલની ફિટનેસ અને પર્ફોમન્સ છે, એવુ લાગે છે કે આગામી બે વર્ષ હજી પણ તેઓ ઈંગ્લેન્ડ માટે વધુ ટેસ્ટ રમી શકે છે. એટલેકે પછી સચિન તેંડુલકરનો રેકોર્ડ પણ તૂટી શકે છે.