જેકી શ્રોફ વૈભવી જીવનશૈલીની સાથે પ્રકૃતિ પ્રેમી પણ છે. પ્રસંગ ગમે તે હોય, તેના હાથમાં એક છોડ અવશ્ય જોવા મળે છે. જેકીએ ઘણી વખત લોકોને છોડ ભેટમાં પણ આપ્યા છે. ચાહકો તેના ડાઉન ટુ અર્થ વલણને ખુબજ પસંદ કરે છે. જો કે હવે જેકીનો એક વીડિયો સામે આવ્યો છે, જેને જોયા બાદ ફેન્સે તેના પ્રત્યે નારાજગી વ્યક્ત કરી છે.
ચાહકોને જેકીની આ હરકત પસંદ ન આવી
જેકી શ્રોફ એક કાર્યક્રમમાં બે-બે રોપા લઈને પહોંચ્યા હતા. આ દરમિયાન તેમની વચ્ચે સેલિબ્રિટીને જોઈને લોકો તેમની સાથે સેલ્ફી લેવા માટે આગળ આવવા લાગ્યા. જેકીએ એક પછી એક બધાની સાથે ફોટો ક્લિક કરાવ્યો, પરંતુ એક ફેનને અભિનેતાએ માથામાં ટપલી મારી હતી. યુઝર્સને જેકીની આ હરકત જરાય નથી ગમી.
સેલ્ફી લેનાર યુવક જે એંગલથી સેલ્ફી લઇ રહ્યો હતો, તે એંગલ જેકીને પસંદ ન હતો તેથી તેણે તેના માથામાં ટપલી મારી બીજી તરફ ખસવા માટે કહ્યુ હતું.. જો કે જેકીએ જે રીતે ટપલી મારી હતી તેને લઇને ચાહકો જેકી સામે નારાજ થયા છે.
યુઝર્સ જેકી પર ગુસ્સે થયા
ચાહકો સાથે આવું વર્તન કરતા જોઈને સોશિયલ મીડિયા યુઝર્સ જેકી પર ગુસ્સે થયા છે. તેમણે અભિનેતાના શિષ્ટાચાર પર સવાલો ઉઠાવ્યા છે. એકે લખ્યું, 'આ ખોટું છે. તમે કોઈને મારી શકતા નથી. તે તમારો સંબંધી કે મિત્ર નથી જેની સાથે તમે મજા કરી રહ્યા છો. એકે લખ્યું, 'જગ્ગુદાદા કા બિન્દાસ્ત સ્ટાઇલ' એક યુઝરે લખ્યુ કે આના કરતા તો ટાઇગર સાથે ફોટો પડાવવો વધારે સારું
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
