નિવેદન / સમગ્ર દુનિયાને આતંકથી હચમચાવનાર અબુ બગદાદીની મોત, ડોનાલ્ડ ટ્રમ્પે કર્યો દાવો

• સુરંગથી ભાગતી વખતે બગદાદીની મોત 
• રશિયા સહીત અન્ય દેશોનો આભાર માન્યો
• ટ્વીટ કરીને પહેલા જ આપ્યા હતા સંકેત ​

ISIS ચીફ અબુ બગદાદીની મોત 

અમેરિકાની સેનાએ ISIS ચીફ અબુ બગદાદીને મારી નાખ્યો છે જેની પુષ્ટિ અમેરિકાના રાષ્ટ્રપતિ ડોનાલ્ડ ટ્રમ્પ દ્વારા કરવામાં આવી છે. અમેરિકાના રાષ્ટ્રપતિ ડોનાલ્ડ ટ્રમ્પે રવિવારે સાંજે જાણકારી આપી કે ISIS ચીફ અબુ બક્ર અલ બગદાદીને અમેરિકાની સેનાએ મારી કાઢ્યો છે. રાષ્ટ્રપતિ ટ્રમ્પે કહ્યું કે પાછલી રાતે અમેરિકાને સેનાએ હુમલો કરીને બગદાદીને ઠાર માર્યો હતો. તે દુનીયાનો સૌથી ક્રૂર અને હિંસક આતંકવાદી સંગઠન ISISનો સંસ્થાપક હતો. ડોનાલ્ડ ટ્રમ્પે કહ્યુંકે 'એક સુસાઈડ ધમાકામાં બગદાદી માર્યો ગયો છે જ્યારે તેનો પીછો કરવામાં આવ્યો ત્યારે તે બુમો પાડી- પાડીને રડતો હતો ' 

કઈ રીતે માર્યો બગદાદી 

અબુ બગદાદી સુરંગથી ભાગવા માટે તરફડતો હતો ત્યારે અમેરિકાની સેનાએ તેને ચારેય તરફથી ઘેરી લેતા તેને સુસાઈડ વેસ્ટમાં આગ લગાવી લીધી અને પોતે ત્રણ છોકરાઓ સાથે મરી ગયો. અમેરિકાના રાષ્ટ્રપતિ ડોનાલ્ડ ટ્રમ્પે વધુમાં ઉમેરતા કહ્યું હતું કે અબુ બગદાદી હિંસક પ્રવૃત્તિવાળો માણસ હતો. તે હિંસક હતો અને હિંસામાં જ તેની મોત થઇ છે. 

#WATCH US President Donald Trump: He (Abu Bakr al-Baghdadi) will never again harm another innocent man, woman or child. He died like a dog, he died like a coward. The world is now a much safer place. pic.twitter.com/8NB69yA3b1

— ANI (@ANI) October 27, 2019

રશિયા સહીત અન્ય દેશોનો આભાર માન્યો 

ડોનાલ્ડ ટ્રમ્પે રશિયા, તુર્કી, સીરિયા, ઈરાક જેવા દેશોનો સાથ આપવા માટે આભાર વ્યક્ત કર્યો હતો. આ  ઉપરાંત ડોનાલ્ડ ટ્રમ્પે અમેરિકાની સેના અને ઈન્ટેલીજન્સ એજન્સીનો પણ આભાર માન્યો હતો.  

ટ્વીટ કરીને પહેલા જ આપ્યા હતા સંકેત 

રાષ્ટ્રપતિ ટ્રમ્પે પહેલા ટ્વીટ કર્યું હતું જેમાં કહ્યું હતું કે ત્યારે કંઇક મોટું ઘટ્યું છે. જે બાદ સમગ્ર વિશ્વમાં તે ચર્ચાનો મુદ્દો બન્યો હતો અને ઘણી એજન્સી દ્વારા અબુ બગદાદીના મોતની આશંકાઓ સેવવામાં આવી રહી હતી ત્યારે રાષ્ટ્રપતિ ટ્રમ્પે પોતે નિવેદન કરીને આ ખબરને સાચી પુરવાર કરી હતી.